 |
|
İstanbul Avropanın ikinci ən işıqlı şəhəri seçilib.
Musavat.com xəbər verir ki, Britaniyanın "Reboot SEO" agentliyi öz araşdırmasında oktyabr və dekabr aylarında Avropanın müxtəlif şəhərlərində gecələr küçə işıqlandırmasını qiymətləndirib.
Beləliklə, İstanbul Miladdan əvvəlki dövrdə küçə işıqlandırmasını əhəmiyyətli dərəcədə artıraraq (demək olar ki, 70%) ikinci yeri tutub və Avropanın ən canlı tarixi şəhərlərindən birinə çevrilib.
Reytinqdə birinci yeri İtaliyanın Milan şəhəri, üçüncü yeri isə Sloveniyanın paytaxtı Lyublyana şəhəri tutub.
“Yeni İnsanlar” partiyası Dövlət Dumasının vitse-spikeri Vladislav Davankovun 2024-cü ilin martında keçiriləcək prezident seçkilərində partiyadan namizəd kimi irəli sürülməsi barədə yekdil qərar qəbul edib.
Axar.az xəbər verir ki, bu barədə TASS məlumat yayıb.
Davankovun namizədliyini 69 nümayəndənin hamısı dəstəkləyib.
İran Xarici İşlər Nazirliyi Rusiyanın Tehrandakı müvəqqəti işlər vəkilini çərşənbə günü Mərakeşdə keçirilən Rusiya-Ərəb Əməkdaşlıq Forumunun (RAFC) VI sessiyasının iştirakçılarının yekun bəyanatı ilə əlaqədar çağırıb.
Musavat.com TASS-a istinadən xəbər verir ki, bu barədə İran Xarici İşlər Nazirliyi məlumat yayıb.
Belə ki, forumun bəyanatında İran və Birləşmiş Ərəb Əmirlikləri arasında ərazi mübahisəsinin predmeti olan Fars körfəzindəki üç adanın mülkiyyət məsələsi qeyd edildiyi üçün müvəqqəti işlər vəkilinə etiraz notası təqdim edilib.
Məlumatda qeyd edilib ki, sessiyada iştirak edən Rusiya və ərəb ölkələrinin xarici işlər nazirləri Böyük Tunb, Kiçik Tunb və Əbu Musa adaları probleminin beynəlxalq hüquq prinsipləri və BMT Nizamnaməsinə uyğun olaraq sülh yolu ilə həllini dəstəkləyib.
Nazirliyin bəyanatında qeyd olunur ki, Körfəz Dövlətləri Departamentinin baş direktorunun köməkçisi rus diplomata dövlətlərarası münasibətlər sistemində əsas prinsiplər olan suverenlik və ərazi bütövlüyünə hörmət edilməsinin vacibliyini xatırladıb. Xarici İşlər Nazirliyinin sözçüsü İranın Fars körfəzindəki üç ada üzərində daimi suverenliyini təsdiqləyib və vurğulayıb ki, İran hökuməti bununla bağlı hər hansı iddianı qəbuledilməz hesab edir.
Rusiya səfirliyindən verilən məlumata görə, Tehrandakı diplomatik nümayəndəliyin rəhbəri Aleksey Dedov hazırda ölkədən kənardadır. Səfir olmadığı müddətdə onun vəzifələrini İslam Respublikasının Xarici İşlər Nazirliyinə çağırılan nazir-müşaviri Rafael Gevorqyan yerinə yetirir.
Qeyd edək ki, iyulun 12-də İran Xarici İşlər Nazirliyi Dedova oxşar etirazını bildirib.
İraqın şimalında Türkiyə Silahlı Qüvvələrinin 6 hərbçisi şəhid olub.
“Report” xəbər verir ki, bu barədə Türkiyənin Milli Müdafiə Nazirliyindən bildirilib.
Şəhid olan Ramazan Günay, Mehmet Serinkan, İsmail Yazıcı zabit, Yasin Karaca, Şağatay Erenoğlu və Emre Taşkın isə sıravi hərbi qulluqçulardır.
Məlumata görə, terrorçular Türkiyə ordusunun hərbçilərinə hücum edib. Atışma nəticəsində 3 hərbçi hadisə yerində şəhid olub. Yaralı halda xəstəxanaya çatdırılan 3 hərbçinin də həyatını xilas etmək mümkün olmayıb.
Türkiyə ordusunun cavab atəşi nəticəsində 7 terrorçu məhv edilib.
Almaniyanın Köln şəhərində qondarma "erməni soyqırımı" abidəsi sökülüb.
APA xəbər verir ki, bu barədə erməni Teleqram kanalları məlumat yayıb.
Bildirilib ki, bu barədə qərarı Köln bələdiyyəsi verib.
Belarus Respublikasının Prezidenti Aleksandr Lukaşenko Azərbaycan Respublikasının Prezidenti İlham Əliyevə təbrik məktubu göndərib.
Məktubda deyilir:
“Hörmətli İlham Heydər oğlu.
Doğum gününüz münasibətilə səmimi təbriklərimi qəbul edin.
Şəksiz rəhbər istedadınız sayəsində milli lider kimi Siz Azərbaycanın səmərəli iqtisadi inkişaf modelini həyata keçirmiş, dövlətin beynəlxalq arenada nüfuzunu möhkəmləndirmisiniz.
Fürsətdən istifadə edərək, Sizi Qoşulmama Hərəkatında uğurlu sədrliyiniz münasibətilə təbrik edirəm.
Məmnuniyyətlə qeyd edirəm ki, Minsk ilə Bakının hörmətə və qarşılıqlı anlaşmaya əsaslanan strateji tərəfdaşlığı həm iqtisadi-ticari sahədə, həm də əməkdaşlığın digər istiqamətləri üzrə mühüm nəticələr əldə etməyə imkan verir.
Dostluğumuzu, ölkələrimiz arasında yaranmış münasibətlərin etimada əsaslanan xarakterini yüksək qiymətləndirir, yeni görüşləri və müxtəlif sahələrdə maraqlı birgə layihələri nikbinliklə gözləyirəm.
Hörmətli İlham Heydər oğlu, Sizə Azərbaycan Respublikasının rifahı naminə gələcək fəaliyyətinizdə yeni uğurlar, möhkəm cansağlığı, sülh, doğmalarınıza və yaxınlarınıza xoşbəxtlik diləyirəm”.
Ukraynanın Prezidenti Volodimir Zelenskidən Azərbaycan Respublikasının Prezidenti İlham Əliyevə təbrik məktubu gəlib.
Məktubda deyilir:
"Zati-aliləri.
Doğum gününüz münasibətilə ən səmimi təbriklərimi qəbul edin.
2023-cü il - Ümummilli Lider Heydər Əliyevin anadan olmasının 100 illik yubileyi ili Azərbaycan və şəxsən Sizin üçün əlamətdar il oldu. Məhz bu il Azərbaycan Respublikasının suverenliyi tam bərpa edildi.
Ukraynanı azadlıq, müstəqillik və ərazi bütövlüyü uğrunda mübarizədə dəstəklədiyinizə, Rusiya ilə müharibənin humanitar nəticələrinin aradan qaldırılmasında yardıma görə Azərbaycana və şəxsən Sizə minnətdaram.
Mən dövlətlərimiz arasında mövcud dostluq münasibətlərini, şəxsi konstruktiv və səmimi dialoqumuzu yüksək qiymətləndirirəm. Əminəm ki, hörmət və etimada əsaslanan Ukrayna-Azərbaycan strateji əməkdaşlığı bundan sonra da hər iki ölkənin xalqlarının mənafeyi naminə fəal inkişaf edəcəkdir.
Zati-aliləri, Sizə möhkəm cansağlığı, bol enerji və məsuliyyətli dövləti fəaliyyətinizdə uğurlar arzu edirəm".
ABŞ-nin keçmiş prezidenti Donald Tramp ölkənin hazırkı rəhbəri Co Baydeni üsyançı adlandırıb.
“O, fikirlərini “Truth” sosial şəbəkə səhifəsində paylaşıb.
“Mən üsyançı deyiləm, amma Co Bayden elədir”, - Tramp qeyd edib.
Belə ki, o, ABŞ liderinin ittihamlarına cavab verib. Jurnalistlərlə söhbət zamanı Bayden Trampı qiyamçı hesab etdiyini qeyd edərək, bunun göz qabağında olduğunu vurğulayıb. Bayden xatırladıb ki, siyasətçi 2021-ci il yanvarın 6-da Konqresə hücumu dəstəkləyib.
Ukraynada Rusiyaya birləşmə ilə bağlı referendum keçirilə bilər. Ondan sonra Moskva Ukraynanın idarəçiliyini öz üzərinə götürəcək, onun bərpasına kömək edəcək və bununla da yerli sakinlərin rəğbətini qazanacaq.
Bu sözləri Slovakiya prezidentliyinə namizəd Ştefan Qarabin deyib.
O bildirib ki, Rusiya Ukraynanın qeyd-şərtsiz təslim olmasından başqa heç nə istəmir.(axar.az)
“Türkiye” qəzeti yazır ki, İraq, Suriya, Livan, Yəmən kimi ölkələrin ağrılarında bilavasitə əli olan Tehran hazırladığı “Şiə xəritəsi”nə Türkiyəni də daxil etməyə cəhd etməklə İsrail kimi böyük bir xəritə xəyalı qurur.
Nəşrin yazdığına görə, İsrailin Qəzzada həyata keçirdiyi hərbi əməliyyatlar Yaxın Şərqin böyük bir hissəsini əhatə edən “Vəd edilmiş torpaqları” işğal ambisiyaları elan etməsi, bölgənin bir başqa ölkəsi olan İranın da “məkrli layihələrini” ortaya çıxarmış oldu.
İraq ABŞ-nin işğalından sonra faktiki olaraq İranın təşəbbüsünə buraxılıb. Ölkədə həftəsonu keçirilən seçkilərdə Tehranın nəzarətində olan qruplar qalib gəlib.
Qəzet yazır: “Bu gün təkcə İraq deyil, Suriya, Fələstin, Yəmən kimi bütün ağrılı coğrafiyalarda əli olan Tehran “Şiə Ayparası”nı addım-addım reallaşdırmaq arzusundadır. Bu məqsədlə hətta “Şiə xəritəsi” də hazırlanıb. 743 səhifəlik planda Türkiyə və Azərbaycanın mədəniyyəti, siyasəti, coğrafiyası, kənd təsərrüfatı, ticarəti, etnik mənsubiyyəti, dili, iqtisadiyyatı və məzhəb-inanc təsnifatları ətraflı şəkildə aparılıb. İran Baş Qərargahının hazırladığı əsərdə Resul Ceferiyanın imzası var. “İşğal xəritə”sində Türkiyədəki nusayrilər kimi bəzi kütlələrin İranın potensial tərəfdarları olduğu ifadəsi yer alır”.
Güney Azərbaycan Milli Oyanış Hərəkatının (GAMOH) prezidenti Mahmudəli Çöhrəqanlı deyib ki, İranın “Şiə Aypara” layihəsi İsrailin “arzımevut” məqsədindən qat-qat təhlükəlidir.
Tehranda “Şiə Aypara” layihəsi üçün 5 min nəfərlik heyət olduğunu bildirən Çöhrəqanlı deyib ki, bu layihənin reallaşdırılmasına 1979-cu ildən başlanılıb.
“Layihəyə indiyədək 200 milyard dollardan çox vəsait ayrılıb. Türkiyə və Azərbaycana xüsusi önəm verirlər. İlk gündən İranın müəyyən etdiyi strategiya çərçivəsində müvafiq olaraq Livan, İraq, Suriya və Yəmənə sahib oldular. Bir zamanlar bunlar sadəcə xəyallar idi. İndi onlar İranın əsiridirlər. Molla rejimi hədəf ölkələri siyasi, mədəni və iqtisadi çöküşdən sonra birbaşa hərbi mübarizə ilə deyil, onları daxili qarışıqlığa sürükləməklə ələ keçirir. Öz əsgərlərini heç bir şəkildə döyüşdürmədən, qəyyumluq mərkəzləri vasitəsilə öz planlarını reallaşdırırlar. Onlar Yəməndə husilərdən, Livanda maronitlərdən və druzlardan, Suriyada nusayrilərdən, İraqda şiə ərəblərdən istifadə ediblər”, - Çöhrəqanlı bildirib.
Mahmudəli Çöhrəqanlı bildirib ki, son 10 ildə rejimə müxalif kimi görünən 30 min ailə Türkiyəyə sızıb: “Bu ailələr xüsusi təhsilli fanatiklərdən ibarətdir. İtilaat bölməsi kimin harada məskunlaşdığını birbaşa idarə edir. Qasım Süleymani layihənin rəhbəri idi. Terror təşkilatı PKK və digər təşkilatlarla əməkdaşlığın kökündə də eyni motiv dayanır. İran məzhəb, siyasi, mədəni və hərbi hegemonluğuna birbaşa döyüş yolu ilə deyil, dolayı ünsürlərin məharəti ilə nail olur. Onların planları Türkiyə və Azərbaycan üçün eynidir. Ona görə də Qarabağda ermənilərə dəstək verdilər. Onların Azərbaycanda dini, siyasi, kommersiya və QHT səviyyəsində ciddi infrastrukturu var. Onlar da Türkiyədəki bəzi məzhəb qruplarına arxalanırlar”.
İran rejiminin son zamanlar İsraili deyil, Türkiyəni hədəf aldığını xatırladan Çöhrəqanlı deyib ki, onlar türkləri özlərinə ən böyük düşmən kimi görürlər: “Onların gizli planları var və gizlicə dolaşırlar. Türk milləti və dövlət idarəçiləri hər zamankındən daha diqqətli davranmalıdırlar”.