 |
|
Ukrayna Prezidenti Zelenski Qərbin marianetkasıdır.
Axar.az-a xəbər verir ki, bu sözləri Venesuela Prezidenti Nikolas Maduro deyib.
“Bu, imperializmin marionetka təyin etməsi, ondan istifadəsi və sonra zibil qutusuna atması ilə bağlı ilk hadisə deyil.
Zelenski kimi bizim də bir təlxəyimiz var idi - Quaido. İmperializm onu tutub Mayamidəki zibilliyə atdı. İndi o, Mayamidə zibil kimi yaşayır, amma cibində milyonlarla.
Quaido kimi xalqı parçalamaq, nifrətlə doldurmaq, müharibə aparmaq üçün təxribat və yalanlarla istifadə olunacaq nümunələr daha çox olacaq.
İmperializm şeytana bənzəyir - sən ona xidmət edirsən, sonra o sənə tüpürür.
Deyəsən, Zelenskini də eyni tale gözləyir: bir dəfə uğursuzluğa düçar olursan, səni çölə atırlar, təpikləyirlər, səni tərk edirlər. Ruhunu şeytana satanların aqibəti budur”, - Maduro bildirib.
Türkiyə Prezidenti Rəcəb Tayyib Ərdoğan Türkiyə Super Liqasında rezonans doğuran hadisəyə münasibət bildirib.
O, “Ankaragücü” - “Rizespor” matçından sonra baş hakim Halil Umut Melərə edilən hücumu pisləyib və referinin tezliklə sağalmasını arzulayıb.
Xatırladaq ki, “Ankaragücü” - “Rizespor” matçında meydan sahiblərinin klub prezidenti Faruk Koca meydana daxil olaraq oyunun baş hakimi Halil Umut Meler yumruq zərbəsi endirib.
Zərbə nəticəsində referi yerə yıxılıb. Daha sonra yerdə də fiziki zorakılığa məruz qalıb.
“Ermənistan hökuməti Rusiya Federasiyası ilə Ermənistan arasında silahlı münaqişənin mümkünlüyünü nəzərdən keçirir”.
Erməni siyasi şərhçi Razmik Akopcanyan belə bir sensasion bəyanatla çıxış edib.
“Daha çox münaqişə deyil, Rusiyanın Ermənistan ərazisində sürətli və effektiv hərbi əməliyyatıdır. Niyə? Çünki bizim hazırda bacarıqlı ordumuz yoxdur və bunu Kreml bilir. Buna şübhə edənlərə ölkələrimiz arasında ümumi sərhədlərin olmaması ilə bağlı “arqument”ə istinad edərək, bolşeviklərin respublikamızı necə işğal etdiklərini və Ermənistanı 70 ildən artıq nəzarətdə saxladıqlarını xatırlatmaq istərdim. Zərbə indi hər yerdən gələ bilər. Məsələn, oliqarx İvanişvilinin nəzarətində olan Gürcüstandan, onun göstərişi ilə Kreml nə istəsə, edilə bilər.
Rusiyada 1991-ci ilin martında Ümumittifaq referendumunun keçirildiyini xatırlamağı xoşlayırlar. 15 ittifaq respublikasından 9-da onun təşkili həvalə edilmiş Mərkəzi Respublika referendum komissiyaları yaradıldı. Ermənistan isə o zaman da bu ittifaqı dağıtmaq arzusunu nümayiş etdirdi.
Bunu Kremldə hamı xatırlayır. Qarşılıqlı təmaslar əsrimizdə Ermənistanda sığınacaq tapmış çoxlu sayda rusların olduğu bir vaxtda dövlətimiz haqqında mənfi rəy yaratmaq mümkün olmadığını düşünsə, mən onları ayılmağa tələsdirirəm”, - o bildirib.
Akopcanyan Saakaşvilinin prezidentliyi dövründə Gürcüstanın başına gələnləri xatırladıb: “Ruslar bu ölkəyə kütləvi şəkildə səfər etdilər, heyran qaldılar, Rusiya səhnəsində, Rusiya siyasətində və biznesində çoxlu gürcülər var idi. Amma rus tankları öz işini gördü və heç kim onlara mane olmadı. Ukraynanı xatırlayaq. Bunlar, ümumiyyətlə, bir-birinə ən yaxın iki xalqdır. Bəs nə baş verdi? Rusiya Ukraynaya qarşı böyük müharibəyə getdi, ərazisinin dörddə birini ələ keçirdi və yoluna davam edir. Və yenə də heç kim, ümumiyyətlə, onu dayandırmaq istəmir. ABŞ və Avropa ölkələri Ukraynanı tərk etdilər. Eyni şey Ermənistanı da gözləyir”.
Co Bayden növbəti müddətə seçilməyə bilər.
Donald Tramp 2024-cü il prezident seçkiləri üçün keçirilən milli rəy sorğularında Co Bayden üzərindən irəlidədir.
Lent.az-ın xarici mediaya istinadla xəbərinə görə, sorğu göstərir ki, Tramp Baydeni 4 faiz (47 və 43 faiz) qabaqlayır. Bu, ilk dəfədir ki, sorğuda 2024-cü ildə Ağ Ev uğrunda potensial yarışda ABŞ-ın keçmiş prezidentinin üstünlüyünü göstərir.
Ümumi 17 faiz dəstəyi olan beş mümkün üçüncü tərəf namizəd daxil edildikdə, Trumpın üstünlüyü altı faiz yüksəlir, 37-31.
Baydenin ikinci müddətə namizəd olmaq niyyətində olduğunu söyləməsinə baxmayaraq, Demokratlar partiyasında bir çoxları, seçki günü 81 yaşında və gələn il qalib gəlsə Ağ Evdəki səkkiz ilindən sonra 86 yaşında olmasının seçiciləri çəkindirə biləcəyindən qorxaraq onun hakimiyyətdən gedişinə üstünlük verirlər.
ABŞ prezidentinin oğlu Hanter Bayden də doqquz vergi maddəsi ilə cinayət istintaqının hədəfinə çevrilib və nəticədə atasının yenidən seçilməsində əlavə çətinliklər yaradıb. Qeyd edilir ki, Bayden prezidentliyi dövründə ən aşağı təsdiq reytinqinə malikdir.
Bu arada Respublikaçıların namizədliyi uğrunda mübarizədə liderlik edən Tramp da hüquqi çətinliklərlə üzləşir. Səsvermə zamanı 78 yaşı olacaq namizəd Baydenin 2020-ci ildəki qələbəsinin qanunsuz elan edilməsi üçün səyləri ilə bağlı dörd paralel cinayət işi ilə üzləşib.
Beləliklə, hazırda bir çox demokratların Baydendən narazılığına baxmayaraq, sorğuya əsasən, onlar hələ də seçki günü onu dəstəkləyə bilərlər, xüsusən də Tramp ona qarşı çıxsa.
“Dağlıq Qarabağ”ın ləğvi qaçılmaz idi.
“Report”un “RİA Novosti”yə istinadən məlumatına görə, bunu Ermənistanın baş naziri Nikol Paşinyan deyib.
Paşinyan qeyd edib ki, rəsmi İrəvan bütün resurslarını Dağlıq Qarabağ respublikasının yaradılmasına sərf edib, bu isə mümkün deyil.
“Deyirlər ki, o vaxt “Dağlıq Qarabağ”ın indiki hakimiyyəti (2023-cü ilin payızında -red) Dağlıq Qarabağı ləğv edib. Amma əslində proses 2016-cı ilin avqustunda danışıqlar prosesində substantiv dəyişikliklər nəticəsində qaçılmaz oldu”, - baş nazir vurğulayıb.
“Biz hakimiyyətə gələndə təbliğat obyekti statusumuz dəyişdi, çünki informasiya daşıyıcısına çevrildik və emosional qavrayışla reallıq arasında böyük uçurumun olduğunu gördük. Yəni emosional fikirlərimizi həyata keçirmək üçün bütün resurslardan istifadə etdik. Biz isə hakimiyyətə gələrək bəyan etməli olduq ki, bu emosional qavrayışın həyata keçirilməsi mümkün deyil”, - Paşinyan vurğulayıb.
Onun fikrincə, indiki hakimiyyətin təqsiri odur ki, onlar xalqla bu barədə danışmayıb, hətta onun özü də bu praqmatik reallıqla barışa bilməyib.
"Belə bir söhbətə başlamağın emosional imkansızlığı ondan ibarət idi ki, bu, Ermənistana və xalqına 30 il əvvəl həll olunmayan bir problemə sadəcə vaxt itirmək, resurs sərf etdiyimizi bildirmək demək idi", - Paşinyan vurğulayıb.
1960-cı ildə müstəqilliyini elan etmiş Burkina Fasoda hökumət yeni konstitusiya layihəsi hazırlayıb.
APA “Figaro”ya istinadla xəbər verir ki, sayca 5-ci olacaq konstitusiyada ən çox müzakirə edilən müddəa fransız dilinin statusunun dəyişməsidir.
Layihəyə görə, yerli dillərə dövlət dili statusu verilir. Fransız dilinin statusu isə rəsmi dildən işçi dil səviyyəsinə endirilir. Layihə yaxın günlərdə parlamentin müzakirəsinə çıxarılacaq.
Qeyd edək ki, Burkina Faso son 1 ildə fransız dilinin statusunu dəyişən ikinci Afrika ölkəsidir. Bundan əvvəl Mali də oxşar addım atıb.
Türkiyə Prezidenti Rəcəb Tayyib Ərdoğan Fransanın Ermənistanı aldatdığını deyərək rəsmi İrəvanı təxribatlara getməməyə çağırıb.
“Report” xəbər verir ki, dövlət başçısı Yunanıstandan qayıdarkən təyyarədə jurnalistlərə açıqlamasında rəsmi Parisin Ermənistanı təhrik etdiyini deyib:
“Fransa daha əvvəl də Ermənistana dəfələrlə dəstək verib. Amma heç bir nəticəsi olmayıb. Hətta Fransa ATƏT-in keçmiş Minsk Qrupunun həmsədri kimi də nəyəsə nail ola bilməyib. İndi isə yenidən Ermənistanı təhrik edir. Zirehli texnikalar versə nə olacaq ki?! Bunun da nəticəsi olmayacaq. Çünki artıq öz torpaqlarını işğaldan azad etmiş Azərbaycan var. Daha əvvəl Ermənistana göndərilən tanklar, toplar, tüfənglər Azərbaycanın əlinə keçib. Fransa Ermənistanı aldadır”.
Türkiyə lideri bildirib ki, Ermənistan hakimiyyəti yaxın keçmişdə baş verənlərdən nəticə çıxarmalıdır: “Ermənistan təxribatlara getməməlidir. Sülh imkanlarını dəyərləndirməsi və bəzi ölkələrin tələsinə düşməməsi İrəvanın xeyrinə olar. Azərbaycanla sülh Ermənistan üçün ən yaxşı yoldur. Əllərinə silah verənlər Ermənistanı tək qoyacaqlar”.
ABŞ Azərbaycan və Ermənistanın saxlanılanların dəyişdirilməsini alqışlayır.
Bu barədə Dövlət Departamentinin rəsmi nümayəndəsi Metyu Millerin müvafiq mövzulu bəyanatında bildirilib.
“Birləşmiş Ştatlar Ermənistan və Azərbaycanın 2 azərbaycanlı və 32 erməni saxlanılanın azad edilməsi barədə açıqlamasını alqışlayır. Bu öhdəlik tərəflərin sülh müqaviləsini prosesini yekunlaşdırmaq və münasibətləri normallaşdırmaq üzərində işlədiyi bir vaxtda mühüm etimadın möhkəmləndirilməsi tədbiridir. Biz Azərbaycan Prezidenti Əliyevi və Ermənistanın Baş naziri Paşinyanı Cənubi Qafqaz xalqları üçün daha dinc və firavan gələcək üçün zəmin yaratmaq üçün birgə səylərinə görə alqışlayırıq.
Birləşmiş Ştatlar davamlı və ləyaqətli sülhə nail olmaq üçün səyləri güclü şəkildə dəstəkləməyə davam edəcək”, - sənəddə qeyd olunub.
Xatırladaq ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən 32 erməni hərbçinin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.
ABŞ prezidenti Co Bayden Konqresdəki respublikaçılara Ukraynaya yeni hərbi yardım üçün xəbərdarlıq edib ki, Rusiyanın Ukrayna üzərində qələbəsi Moskvaya NATO müttəfiqlərinə hücum etmək imkanı verəcək.
Vaşinqton Kiyevə 175 milyon dollarlıq əlavə hərbi yardım elan etməyi planlaşdırır.
Baydenin sözlərinə görə, Putin Ukraynanı ələ keçirsə, bununla dayanmayacaq və NATO müttəfiqinə hücum edə bilər. "Bundan sonra Amerika qoşunları Rusiya qoşunları ilə döyüşə girməli olacaq", - Bayden vurğulayıb.
Onu da deyib ki, məhz buna görə Putinin qalib gəlməsinə imkan verə bilməzlər.
Müəyyən qüvvələr Qarabağ məsələsindən yalnız Ermənistan dövlətçiliyinin yaranmasının qarşısını almaq üçün bir məqsəd kimi istifadə ediblər.
Bunu Ermənistanın baş naziri Nikol Paşinyan sabiq müdafiə naziri Seyran Ohanyanla polemikası zamanı deyib.
1996-cı il Lissabon sammitindən sonra Qarabağ məsələsinin gündəlikdən çıxdığını qeyd edən Paşinyan bildirib ki, Ermənistan bu reallığı qəbul etmədi: "Bu bizim dərin köklü problemlərdən biridir, o cümlədən hökumətimizin problemidir. Yuxarıda qeyd olunan sammitin yekunu olaraq bəyanat qəbul edilib ki, ona görə də Qarabağın statusu yalnız Azərbaycanın ərazi bütövlüyü çərçivəsində həll oluna bilər. Nəticədə reallıqla qarşıya qoyduğumuz məqsəd arasında keçilməz uçurum yarandı”.
Ohanyanın Qarabağı təhvil verməklə bağlı ittihamına cavab olaraq Paşinyan deyib ki, bunu deməkləri nankorluqdur.
Hökumət rəhbəri əlavə edib ki, vəzifəsi Ermənistanın gələcəyidir.