 |
|
Yapon tədqiqatçıları koronavirusun “Omikron” ştamı ilə bağlı araşdırma aparıblar.
Xarici KİV xəbər verir ki, Kyoto Dövlət Universiteti Tibb Fakültəsinin araşdırmaları ilə koronavirusun “Omikron” variantı plastik səthlərdə və insan dərisində sələflərinə nisbətən daha uzun müddət aktiv qaldığını müəyyən edilib.
Qeyd olunub ki, “Omicron”un səthlərdə daha uzun müddət qalması onun sürətlə yayılmasına və dominant varianta çevrilməsinə kömək edir.
Laboratoriya testləri ilə koronavirusun orijinal variantının plastik səthdə 56 saat “Alpha” variantının 191,3 saat, “Beta” variantının 156,6 saat, “Gamma” variantının 59,3 saat, “Delta” ştamının isə 114 saat qaldığı aşkarlanıb.
“Omikron” üçün isə bu müddət 193,5 saat olaraq ölçülüb.
Tədqiqatçılar bildirirlər ki, spirt əsaslı əl təmizləyicilərinin istifadəsi ilə bütün variantlar 15 saniyə ərzində fəaliyyətsiz olur.
Birləşmiş Ərəb Əmirliyinə (BƏƏ) səfərə hazırlaşan İsrail prezidenti İshaq Hersoq bildirib ki, yeni tərəfdaşlıq Yaxın Şərqi dəyişəcək və bütün regiona ilham verəcək.
Yanvarın 30-31-də İsrail prezidenti İshak Hersoq və xanımı tarixdə ilk dəfə Birləşmiş Ərəb Əmirliklərinə rəsmi səfər edəcək.
“Bu barədə İsrail prezidentinin mətbuat xidməti məlumat yayıb.
Səfər BƏƏ-nin faktiki hökmdarı, vəliəhd, Şeyx Məhəmməd bin Zayed Əl Nəhyanın dəvəti ilə baş tutacaq.
Səfər çərçivəsində Hersoq vəliəhd ilə danışıqlar aparacaq, orada yaşayan yəhudi icmasının nümayəndələri ilə görüşəcək və Expo 2020 Dubai sərgisində İsrailin Milli Gününü açacaq.
“Biz Birləşmiş Ərəb Əmirliklərinə ilk prezident səfərimizi etməklə tarix yazmaqdan şərəf duyuruq. Bu mühüm səfər İsrail və Əmirlik xalqlarının yeni ortaq gələcəyin təməllərini qoymaqla məşğul olduqları bir vaxta təsadüf edəcək”, - İsrail prezidenti qeyd edib.
O, yeni tərəfdaşlığın Yaxın Şərqi dəyişəcəyinə və bütün regionu ruhlandıracağına əminliyini ifadə edib.
Xatırladaq ki, 2020-ci ilin avqustunda İsrail Birləşmiş Ərəb Əmirlikləri ilə sülh sazişi imzalayıb. BƏƏ İsraillə diplomatik və iqtisadi əlaqələri dinc yolla tam tənzimləyən üçüncü ərəb ölkəsi (Misir və İordaniyadan sonra) oldu. Tərəflər əlaqələri bərpa etməyə və ölkələr arasında sərmayə, turizm, birbaşa uçuşlar, təhlükəsizlik və telekommunikasiya sahələrinin inkişafı planını birgə müəyyənləşdirməyə söz veriblər.
Dünyanın ən zəngin beş adamı 2022-ci ilin ilk bir neçə həftəsində sərvətlərinin təxminən 85 milyard dollarını itirib. Onların sərvətlərinə daha çox keçən həftəki bazar satışı ağır zərbə aldı.
Blumberq xəbər verir ki, milyarderlər indeksinə görə, itkilər dünyanın ən varlı adamı İlon Maskın sərvətini ilin əvvəli ilə müqayisədə təxminən 27 milyard dollar az olmaqla təxminən 243 milyard dollara endirməsinə səbəb olub. Bununla da Maskın xalis sərvətinin 335 mlrd dollarlıq sərvəti təxminən 100 milyard dollar azalıb.
Dünyanın ikinci ən varlı adamı, Amazon qurucusu Ceff Bezos 2022-ci ildə təxminən 25 milyard dollar itirib.
Blumberq indeksinə əsasən, "Microsoft"un həmtəsisçisi Bill Qeytsin sərvəti yanvarın 1-dən 9,5 milyard dollar azalıb, "Google"un həmtəsisçisi Larri Peycin sərvəti isə 12 milyard dollar azalıb. Zərərləri tamamlayan "Facebook"un sahibi Mark Zukerberqdir, onun da sərvəti bu il təxminən 12 milyard dollar azalıb.
Blumberq-ə görə, dünyanın ən zəngin beş adamı arasında keçən həftə pul itirməyən yeganə şəxs Fransanın lüks mallar nəhəngi LVMH-nin sədri və baş direktoru Bernard Arnault olub. Bununla belə, Arnaultun xalis sərvəti bu il 10,5 milyard dollar azalıb, LVMH-nin səhm qiyməti isə 5% ucuzlaşıb
Ukrayna ətrafında vəziyyətin gərginləşməsi ilə əlaqədar olaraq ABŞ 8500-dək hərbçisini döyüş hazırlığı vəziyyətinə gətirib.
“Yol-xeber.az” CNN-ə istinadən xəbər verir ki, bunu Pentaqonun sözçüsü Con Kirbi bildirib.
ABŞ-ın müdafiə naziri Lloyd Austin, prezident Co Baydenin göstərişi ilə yerləşdirməyə hazırlaşmaq əmrini verdi. Kirbi qoşunların yerləşdirilməsi ilə bağlı yekun qərarın hələ verilmədiyini bildirib.
“Bu gün Ermənistanın ölkə parlamenti tərəfindən Azərbaycanın ərazi bütövlüyünü və sərhədlərinin toxunulmazlığını tanıyan ratifikasiya olunmuş saziş var. Bu saziş 1992-ci ildə Ermənistan parlamenti tərəfindən ratifikasiya olunub”.
“Yol-xeber.az” xəbər verir ki, bunu Ermənistanın baş naziri Nikol Paşinyan bəyan edib.
O, bir neçə məsələni rasional müstəvidə müzakirə etməyi təklif edib: “Burada söhbət Azərbaycanın ərazi bütövlüyünün Ermənistan tərəfindən tanınıb-tanınmamasından gedir. Bu məsələ müzakirə olunmadığından bəzən o qədər də düzgün qəbul edilmir. Lakin qeyd etməliyik ki, 1992-ci ildə Ermənistan parlamenti tərəfindən ratifikasiya olunmuş belə bir saziş var və bu sənədə əsasən Ermənistan Azərbaycanın ərazi bütövlüyünü və sərhədlərinin toxunulmazlığını tanıyır”, - Paşinyan qeyd edib.
O əlavə edib ki, ikinci nüans, Madrid prinsiplərinə uyğun olaraq hər iki tərəfin danışıqların əsası kimi qəbul etdiyi ərazi bütövlüyü prinsipidir: “Burada mən demək istəyirəm ki, de-yure 1992-ci ildən sərhədlərin və ərazi bütövlüyünün toxunulmazlığını tanıyıb”, - deyən Paşinyan əlavə edib ki, bu problemin çoxsaylı nüansları hələ də öz həllini tapmayıb.
Paşinyan bu problemin həlli istiqamətində sərhədlərin demarkasiyası və delimitasiyası prosesinin vacibliyini vurğulayıb.
Sülh sazişinə toxunan Paşinyan bildirib ki, belə bir müqavilə imzalanmalıdır, lakin ilk növbədə bu müqavilə hazırlanmalıdır və bunun üçün danışıqlar aparılmalıdır və Ermənistan buna hazırdır.
Ermənistanın iki gün əvvəl istefa verdiyini elan etmiş prezidenti Armen Sarkisyanın Karib hövzəsindəki kiçik Sent-Kits və Nevis Federasiyasının vətəndaşı olması aşkarlanıb.
“Report” xəbər verir ki, Sarkisyan öz bəyanatında istefanın bir neçə səbəbini qeyd edib, lakin onların əsl səbəblərlə çox az əlaqəsi var. Onun vəzifədən getməsinin əsl səbəbi ən azı prezident seçilənə qədər başqa ölkənin vətəndaşlığının olması imiş.
Xüsusilə, Sarkisyan yaxın vaxtlara qədər Karib hövzəsindəki ada dövlətinin - Sent Kitts və Nevisin vətəndaşı olub.
Sərkisyan xarici ölkənin vətəndaşı olub-olmaması barədə suala cavab vermək əvəzinə sübut təqdim etməyi təklif edib.
O, xüsusən uzun illər əvvəl Sent-Kits və Nevis Federasiyasına (mehmanxana biznesi-red) sərmayə qoyduğunu, bundan sonra səhm payını ailəsinin bir üzvünə keçirdiyini iddia edib.
Sent-Kitts və Nevis hakimiyyətinin investisiya proqramı şərti ilə əcnəbilərə vətəndaşlıq vermək hüququ var. Sarkisyanın sözlərinə görə, o, Ermənistana xəbərdarlıq etmədən vətəndaşlıq alıb. 2013-cü ildə səfir təyin olunmazdan əvvəl vətəndaşlıqdan imtina barədə göstəriş verib.
Lakin 2017-ci ildə ona prezident olmaq təklifi irəli sürüləndə Sarkisyanın bunu yerinə yetirməyib. Bu məsələni həll etməli olan şəxs ölüb, Sarkisyan oğluna (eyni müəssisədə işləyir) məktub yazıb və ondan prosesi başa çatdırmağı xahiş edib.
Belə çıxır ki, Sarkisyan prezident seçilməzdən bir müddət əvvəl ada dövlətinin vətəndaşlığından imtina prosesinə başlayıb. Bu isə o deməkdir ki, o, bu vəzifəyə seçilə bilməzdi.
“Bütün fərmanlar, o cümlədən qanunlar, təyinatlar, seçkilər (hətta baş nazirin təyin edilməsi də) qanunsuzdur”, - nəşr yazıb.
“Prezident böyük ehtimalla Ermənistana qayıtmayacaq, çünki saxtakarlıq zəminində cinayət təqibi ilə üzləşə bilər”, - “Hetq.am” vurğulayıb.
Xatırladaq ki, Armen Sarkisyan yanvarın 23-də istefa verib. O, iddia edib ki, Prezident ölkə və millət üçün indiki çətin dövrdə daxili və xarici siyasətin fundamental proseslərinə təsir göstərmək üçün lazımi alətlərə malik deyil.
Öz növbəsində “Ermənistan” müxalif fraksiyasından olan deputatı Andranik Tevanyan bildirib ki, Prezidenti Armen Sarkisyan respublikanın hüdudlarından kənardadır. “Respublika Prezidenti vəzifəsini tutan şəxsin xaricdən istefa verdiyini elan etməsi utancvericidir”, - Tevanyan feysbukdakı hesabında yazıb.
Yanvarın 18-də Prezidentin mətbuat xidməti məlumat yayıb ki, Sarkisyan Birləşmiş Ərəb Əmirliklərinə işgüzar səfərini başa vurduqdan sonra lazımi tibbi müayinədən keçmək üçün qısamüddətli məzuniyyətə gedib. Prezidentin məzuniyyətdən qayıtması barədə məlumat verilməyib.
İngiltərənin Mühafizəkarlar Partiyasından olan Nüsrət Qani müsəlman olduğu üçün işdən çıxarıldığını iddia edib.
Yol-xeber.az xəbər verir ki, Qani “The Sunday Times” qəzetinə açıqlamasında 2020-ci ilin fevralında Aviasiya və dəniz nəqliyyatı üzrə dövlət naziri vəzifəsindən azad edilməsi barədə danışıb.
Sabiq nazir partiya qrup liderlərindən birinin baş nazirlikdəki yığıncaqda onun müsəlman olmasının bir məsələ kimi gündəmə gətirdiyini deyib.
Qaninin sözlərinə görə, müsəlman qadın nazir olması həmkarlarını narahat edib və partiyasını islmafobiya iddialarına qarşı yetərincə müdafiə etmədiyi deyilib.
Qani bildirib ki, karyerasının və nüfuzunun məhv ediləcəyi ilə hədələnib.
Xəbər verdiyimiz kimi, bu gün Ermənistan prezidenti Armen Sarkisyan vəzifəsindən istefa verib. O, qəfil istefasını daxili və xarici siyasətə təsir alətlərinin olmaması ilə əlaqələndirib. A.Sarkisyan, bildirib ki, Ermənistanda paradoksal vəziyyət yaranıb və prezident faktiki olaraq heç bir real alətə malik olmadan dövlətçiliyin təminatçısı olmağa məcburdur.
Gözlənilməz istefası ilə Ermənistanın siyasi gündəmini dəyişən Armen Sarkisyan kimdir?
Modern.az bildirir ki, Sarkisyan 1953-cü ildə İrəvanda anadan olub. İrəvan Dövlət Universitetinin Nəzəri fizika-riyaziyyat fakültəsini bitirib. Sovet illərində bir neçə universitetdə elmi işçi, daha sonra Kembric Universitetində, London Universitetinin Riyaziyyat İnstitutunda professor vəzifəsində çalışıb.
A.Sarkisyan 1992-1995-ci illərdə Ermənistanın Böyük Britaniyadakı səfiri vəzifəsində çalışıb. Eyni zamanda, o, Avropada “Baş səfir”, Avropa İttifaqında, Belçika, Niderland, Lüksemburq və Vatikanda (1999-cu ilə qədər) səfir olub.
Xatırladaq ki, 1996-cı ilin sonunda o vaxtkı Ermənistan prezidenti Levon Ter-Petrosyan ciddi kadr dəyişiklikləri etməyə qərar verib. 1996-cı ilin çaxnaşmalı prezident seçkilərinin izlərini təmizləməyə çalışan Petrosyan 1996-cı ilin noyabrında gözlənilmədən ölkənin Baş naziri Hrant Baqratyanı istefaya göndərib və Armen Sarkisyanı bu vəzifəyə təyin edib. O zaman qəribə qəbul edilsə də, bu təyinat kifayət qədər müsbət hesab olunurdu. Avropada təhsil almış və orada yaşayan gənc Ermənistan üçün yeni nəfəs ola, islahatlar apara, daxili siyasi gərginliyi azalda bilərdi. Amma ehtimallar baş vermədi. Həmin vaxt hakim siyasi qüvvə hesab olunan Erməni Milli Hərəkatı birmənalı şəkildə Sarkisyanı qəbul etmədi. Tezliklə o və Ermənistanın müdafiə naziri Vazgen Sarkisyan arasında gərginlik yarandı. Beləliklə, Sarkisyan vəzifəyə təyin olunandan cəmi 4 ay sonra istefaya getdi.
Ümidləri doğrultmayan Armen buna səbəb kimi sağlamlıq problemlərini göstərirdi. Amma Sarkisyanın istefasına müdafiə naziri ilə mübahisənin səbəb olması daha inandırıcı variant hesab olunurdu. Həmin vaxt mətbuatda yer alan silsilə məlumatlar görə, Vazgen Sarkisyan mübahisə zəminində onu döyübmüş. Lakin Sarkisyanın özü bu məlumatı təkzib etsə də, yerli media müdafiə nazirinin baş nazirə sillə vurması barədə kifayət qədər tutarlı faktları ictimaiyyətə təqdim etmişdi.
Onu da qeyd edək ki, 1997-ci ildə Armen Sarkisyanın istefasından sonra Robert Koçaryan Ermənistanın baş naziri vəzifəsinə təyin olundu. Bundan bir il sonra Levon Ter-Petrosyan istefa verdi və beləliklə, Ermənistanda "Qarabağ klanı" adlandırılan siyasətçilərin hakimiyyəti başladı...
ABŞ öz diplomatlarını Kiyevdən təxliyə etməyə başlayıb.
Diplomatların təxliyəsinin səbəbi kimi hər an müharibənin başlama təhlükəsi göstərilir.
“Bu barədə ABŞ Dövlət Departamentinin rəsmi saytında məlumat verilib.
Qurum əməkdaşlarının könüllü getməsinə icazə verib və ailə üzvlərinin Kiyevdəki səfirliyi tərk etməsinə göstəriş verib.
Bu qərar Rusiyanın hərbi əməliyyatları təhlükəsinin davam etməsi səbəbindən qəbul edilib.
Qeyd olunur ki, Ukraynadakı ABŞ vətəndaşları kommersiya və ya digər şəxsi avtomobillərdən istifadə edərək dərhal oranı tərk etməyi düşünməlidirlər.
“Rusiyanın Ukraynaya qarşı ciddi hərbi əməliyyatlar planlaşdırdığına dair məlumatlar var. Xüsusilə Ukrayna sərhədləri boyunca, Rusiyanın işğal etdiyi Krımda və Rusiyanın nəzarətində olan şərqi Ukraynada təhlükəsizlik şəraiti gözlənilməzdir və kəskin şəkildə pisləşə bilər”.
İstefa verən Ermənistan Prezidenti Armen Sarkisyanın səlahiyyətlərini Ermənistan Milli Assambleyasının (parlamentinin) sədri Alen Simonyan icra edəcək.
“Qafqazinfo” erməni KİV-nə istinadən xəbər verir ki, o, bu işi növbədənkənar seçkilərə qədər həyata keçirəcək.
Ermənistan konstitusiyasına görə, növbədənkənar prezident seçkiləri 25 və 35 gündən gec olmayaraq keçirilir.
Qeyd edək ki, prezident parlament tərəfindən yeddi il müddətinə seçilir. Eyni şəxs yalnız bir dəfə prezident seçilə bilər.