 |
|
Türkiyədə həbsdə olan FETÖ üzvlərindən Gökhan E. Fətullah Gülənin ən yaxın adamlarından hesab olunan “Hava qüvvələri komandanı”, çevriliş cəhdinin ən fəal simalarından Adil Öksüzlə bağlı şok etiraflar edib.
Gürcüstanın “boz kardinalı” milyarder Bidzina İvanişvilinin anası Çiçino İvanişvili vəfat edib.
Axar.az xəbər verir ki, bu barədə məlumatı Gürcü Arzusu Partiyasının Mətbuat Xidməti yayıb. Onun anasının 96 yaşında vəfat etdiyi bildirilib.
Qeyd edək ki, Çiçino İvanişvili Gürcüstanın İmereti regionunun Saçxere şəhərində yaşayıb.
Avstraliya hökuməti Qüdsü rəsmi şəkildə İsrailin paytaxtı kimi tanımağa hazırlaşır.
Rusiya prezidentinin özəl nümayəndəsi Aleksandr Lavrentyevin rəhbərlik etdiyi nümayəndə heyəti Türkiyə xarici işlər nazirinin köməkçisi Sedal Önalla görüşüb.
Axar.az xəbər verir ki, tərəflər Suriyada həll prosesinin önəmli bir mərhələsi olaraq tez bir zamanda konstitusiya komissiyasının qurulmasının vacibliyini diqqətə çatdırıblar.
ABŞ-ın “Taym” nəşri “İlin adamı” mükafatına layiq görülənlərin adlarını açıqlayıb.
Axar.az xəbər verir ki, mükafata Səudiyyə Ərəbistanının İstanbuldakı Baş konsulluğunda qətlə yetirilən Camal Qaşıqçı, ABŞ-ın Merilend ştatının Annapolis şəhərində yayımlanan “The Capital Gazette” nəşri, Filippində dövlət başçısı Rodriqo Duterte hökumətinə qarşı müxalif mövqeyi ilə seçilən “Rappler” xəbər saytının aid olduğu şirkətin idarə heyətinin sədri Maria Ressa və Myanmada həbs olunan “Röyter” müxbirləri Va Lone və Kyav Soe sahib olub.
Məlumata görə, qaliblər arasında Camal Qaşıqçının da adının olması nəşrin tarixində bir ilk olub. Belə ki, “Taym” ilk dəfə dünyasını dəyişən bir şəxsi “İlin adamı” seçib.
Bəşər Əsəd rejimi 40 müxalif lider barəsində qiyabi edam cəzası ilə bağlı qərar verib.
Axar.az xəbər verir ki, bu barədə “Əl-Vətən” qəzeti məlumat yayıb.
Edama məhkum edilənlərin əksəriyyətinin şərqi qutalı olduğu deyilib.
Onların arasında hərbi qanadda təmsil olunan müxaliflərin, hökumətə qarşı döyüşən silahlı qrupların da olduğu deyilir.
Türkiyənin Rizə şəhərində güllələnən polis rəisi Altuğ Verdinin yerli mediada arxiv görüntüləri yayılıb.
Axar.az xəbər verir ki, yayımlanan videoda mərhum rəisin sevimli məşğuliyyəti dağ turizmi ilə yaxından maraqlandığı, şəhərin ictimai-sosial tədbirlərində yaxından iştirak etdiyi məlum olur.
Həmin görüntüləri təqdim edirik:
Təəssüf ki, Heydər Əlirza oğlu ilə şəxsi tanışlığım olmayıb, amma onun barəsində çox eşitmişəm. O, hər baxımdan böyük siyasi xadim idi. Ölkəni bütün qlobal dəyişikliklərdən mühafizə etmiş, demək olar ki, Azərbaycanı yenidən qurmuş, qətiyyətli və aydın xətt yürütmüş siyasi xadim idi.
Bu sözləri Azərtac-a müsahibəsində Rusiya Jurnalistlər İttifaqının sədri Vladimir Solovyov söyləyib. O vurğulayıb ki, ölkənin indiki Prezidenti İlham Əliyev Ulu Öndərin kursunu davam etdirir:
“Mənə çox xoşdur ki, Azərbaycan Prezidenti məni həmkarım – Rusiya Jurnalistlər İttifaqının katibi Rafael Hüseynovla birlikdə qəbul etdi. Bu, hətta gözlənilmədən oldu, çünki hər halda respublika Prezidenti ilə Jurnalistlər İttifaqı sədrinin səviyyələri arasında böyük fərq var. Bilirəm ki, sələfim Vsevolod Boqdanov Heydər Əliyevlə sıx ünsiyyət saxlayıb. Onlar hələ o dövrdə Xəzər regionu ölkələrinin jurnalistlərini birləşdirmək barədə düşünüblər. Prezidentlə söhbət əsnasında mən bunu ona xatırlatdım. O, bu ideyanı böyük maraqla qarşıladı. Görüş çox maraqlı keçdi, biz bir çox ümumi mövzu tapdıq. Prezident tapşırdı ki, Azərbaycana mümkün qədər çox rusiyalı jurnalist gəlsin. Gəlib Azərbaycanda rus dilinin necə inkişaf etdiyini, rusların necə yaşadıqlarını, respublikanın gözəlliklərini görsünlər. Biz jurnalistlərdən, yazıçılardan və şairlərdən ibarət qrup yaradırıq. Ümidvaram ki, onlar Novruz bayramında ölkənizə səfər edəcəklər”.
V.Solovyov Azərbaycan paytaxtı barədə təəssüratlarını bölüşərək deyib: “Mən demək olar ki, bütün qitələrdə, hətta Antarktidada, ümumən dünyanın 80 ölkəsində olmuşam. Bakı sözün həqiqi mənasında güclü təəssürat yaradır. O, qeyri-adi memarlıq abidələri ilə fantastik dərəcədə gözəl şəhərdir. Yeraltı keçidlərin mərmərlə işlənməsi heyrətləndirir. Heydər Əliyev Mərkəzi, Xalça Muzeyi, Şirvanşahlar sarayı, İçərişəhər, Qız qalası görənləri mat qoyur. Sizdə yeni xalça ustaları nəsli yetişib. Onlar xalça üzərində fantastik şəkillər yaradırlar. İnsanın belə bir kompozisiyanı necə düşündüyünü təsəvvürə belə gətirmək çətindir. Bakı heyrətamiz şəhərdir. Düşünürəm ki, biz indi Azərbaycana tez-tez gələcəyik”.
İYİ Partiyasının sədri Maral Akşənər və CHP sədri Kamal Kılıçdaroğlu arasında seçki ittifaqı ilə bağlı gizli görüş keçirilib.
Axar.az xəbər verir ki, tərəflər görüş zamanı ciddi bir nəticəyə nail ola bilməyib.
Partiya liderləri bəzi mahallarla bağlı fikir ayrılıqları yaşayıblar. Eyni mahallarda hər iki partiyanın namizəd irəli sürmək niyyəti danışıqların dalana dirənməsinə gətirib çıxarıb. İttifaq danışıqlarının həftənin çərşənbə gününə kimi yekunlaşdırılması gözlənilir.
Qeyd edək ki, Türkiyədə parlament seçkisi 2019-cu ildə keçiriləcək.
Lukaşenko Azərbaycana KTMT ilə bağlı vəd verib.
Axar.az xəbər verir ki, bu sözlər erməni jurnalist Akop Badalyanın “Lragir.am” saytındakı məqaləsində yer alıb.
“Bir müddət əvvəl Minskdə Azərbaycan Prezidentini qəbul edən Lukaşenko ona böyük ehtimalla Paşinyana təzyiq edəcəyi ilə bağlı vəd verdi. Bundan sonra Putin Paşinyana KTMT sammitini təxirə salmağı təklif edərək, Lukaşenkoya sürpriz yaratdı. Lukaşenko Əliyevə vəd verdiyi məsələni Avrasiya İttifaqı sammitində qaldırdı. Məsələ odur ki, hədəfdə yalnız Ermənistan yox, Putin də var idi. Lukaşenko Moskvanın hədəfə alınması üçün ənənəvi olaraq Ermənistanın maraqlarından yararlandı”, – deyə o bildirib.
Onun sözlərinə görə, Azərbaycan yaydan etibarən müəyyən gedişlər edərək, Moskvanı mümkün KTMT üzvlüyü ilə “aldatmağa” cəhdlər edib:
“Rusiya başa düşdü ki, Azərbaycan KTMT-nin tamhüquqlu üzvü olmağa cəhd etmir. Bu, Türkiyə, İsrail və Pakistanla hərbi-siyasi əməkdaşlıqda problem yaradacağı üçün edilmir. Bakı artıq uzun illərdir KTMT-nin de-fakto üzvüdür. Onun maraqları blokda Ermənistanın maraqlarından daha aydın əks edilir. Onun maraqlarının provayderləri isə Rusiya ilə bərabər Belarus və Qazaxıstan olub. Aprel müharibəsindən sonra Moskva bu siyasətdə ciddi problemlərin olduğunu anladı və əyləcə basdı. Belarus və Qazaxıstanın isə belə problemi yoxdur. Onlar çalışırlar ki, Azərbaycanla əməkdaşlıq edərək, Moskvanı mühasirəyə alsınlar. Bu isə aysberqin görünən hissəsidir, ona görə, mühasirəyə alınmaya Azərbaycanla hərbi-siyasi əməkdaşlıq quran dövlətlər də girir. Bu situasiyada hədəf dəyişir. İndiki halda əsas vəzifə Azərbaycanı de-fakto KTMT-dən çıxarmaqdır ki, məhz hazırda Ermənistan Rusiyanın dəstəyi ilə bununla məşğul olur. Moskvanın, əlbəttə, öz hesabları var. Ermənistanın yeni hakimiyyətinin legitimliyi üçün bunun xüsusi əhəmiyyəti var, hansı ki, məhz bu, Rusiyanın Ermənistandan tamah xətrinə istifadəsini dayandıra bilər”.