 |
|
Qlobal birjalar son 20 ayda ən aşağı səviyyəni nümayiş etdirib.
Axar.az xəbər verir ki, bu sözləri iqtisadçı alim Vüqar Bayramov deyib. Ekspert bildirib ki, əmtəələr indeksi də son 3 ilin ən aşağı səviyyəsindədir:
“Azalmalar neft bazarından da yan keçməyib. “Brent” markalı neftin bir barreli 50 dollarlıq psixoloji həddədək ucuzlaşıb. Neft 1 gündə 6 faizdən çox dəyər itirib. Qiymətlərin kəskin azalması OPEK-i təcili görüş keçirməyə məcbur edir. Kartel artıq üzvlərinə müraciət etsə də, belə bir görüşün yaxın günlərdə reallaşması və bütövlükdə qiymət azalmalarının qarşısının alınması real deyil”.
İqtisadçı neftin ucuzlaşmasının Azərbaycana təsirindən də söz açıb:
“Azərbaycanın gündəlik neft ixracatının 783 min barrel olduğunu nəzərə alsaq, neftin qiymətinin aşağı düşməsinin ölkəmizə təsirini müəyyənləşdirmək çətin olmaz. Belə ki, neftin bir barrelinin qiyməti 86 dollar olan zaman neft ixracatımızın dəyəri 67 milyon 338 min dollar idi. Bu rəqəmə bütün xərclər daxil idi və mənfəətin 75 faizi Azərbaycan dövlətinə çatırdı. Mövcud qiymətlərlə neft ixracatının dəyəri 39 milyon 150 min dollardır. Bu o deməkdir ki, bu ilin oktyabr ayı ilə müqayisədə gündəlik neft ixracatımızın dəyəri 28 milyon 188 min dollar azalıb. OPEK-in son toplantısında ölkəmizin gündəlik hasilatının 20 min barrel azaldılması ilə bağlı öhdəlik götürdüyünü də nəzərə alsaq, o zaman gündəlik neft ixracatından əldə edilən gəlirin daha çox azaldığının şahidi olarıq”.
Qeyd edək ki, bu gün “Brent” markalı neftin bir barreli 3,35 dollar ucuzlaşaraq, 50,47 dollara qədər geriləyib.
VTİ markalı neftin bir barreli isə 3,06 dollar enərək, 42,53 dollar olub.
Bu gün birjalarda neftin qiymətində kəskin ucuzlaşma qeydə alınıb.
“Kapital Bank”ın BirBank mobil tətbiqi Azərbaycan İnternet forumunun təsis etdiyi “Millinet” mükafatına layiq görülüb.
Axar.az xəbər verir ki, BirBank ölkənin “Elektron hökumət və maliyyə-bank mobil tətbiqi” nominasiyasında ən yaxşı mobil tətbiq seçilib.
“Millinet” Milli İnternet Mükafatı 2009-cu ildən etibarən hər il Azərbaycan internet məkanında korporativ, ictimai-sosial, media və informasiya saytları, bloqlar və mobil tətbiqlər arasında ən yaxşılarını müəyyən edir.
Qeyd edək ki, BirBank tətbiqini 300 000 nəfərdən artıq istifadəçi App Store və Play Store-dan yükləyib. Hal-hazırda iOS və Android əməliyyat sistemləri BirBank-ı yüklənmə sayı, istifadə dərəcəsi və istifadəçi rəyləri əsasında maliyyə sektorunun ən yaxşı tətbiqi olduğunu bildirərək, müştərilərə tövsiyə edir.
Həmçinin tətbiq vasitəsilə Azərbaycanda ilk dəfə olaraq QR Pay ödəniş sistemində ödənişlər həyata keçirmək mümkündür. QR Pay vasitəsilə BirBank istifadəçiləri mağazalarda kart olmadan ödəniş edə bilirlər. Bunun üçün kassalarda olan xüsusi posterdəki QR şifrəni, smartfonun kamerası ilə skan etmək lazımdır.
Azərbaycanda ən böyük filial şəbəkəsinə malik olan Kapital Bank, 98 filialı və 11 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.
2004-cü ildən indiyə qədər regionların sosial-iqtisadi inkişafına dair 3 dövlət proqramı qəbul edilib və onlardan 2-nin icrası uğurla yekunlaşdırılıb.
Report xəbər verir ki, bunu Bakıda keçirilən "Möhtəşəm quruculuq: dünən, bu gün, sabah" adlı konfransda çıxış edən İqtisadiyyat naziri Şahin Mustafayev deyib.
Onun sözlərinə, bu proqramlar çərçivəsində Azərbaycanın regionlarına 70 mlrd. manat sərmayə yatırılıb.
Nazir həmçinin deyib ki, ölkə prezidentinin tapşırığı ilə 2019-2023-cü illəri əhatə edəcək regionların sosial-iqtisadi inkişafı üzrə 4-cü dövlət proqramı hazırlanır: "Proqram üzərində iş başa çatmaq üzrədir
2019-cu ildə dünya bazarında neftin qiyməti 50-55 dollar civarında olacaq.
Bu sözləri Axar.az-a Federal Ehtiyatlar Sisteminin (FES) uçot dərəcəsinin yüksəldilməsi ilə bağlı qərarının neft bazarlarına təsiri haqda danışan iqtisadçı ekspert Natiq Cəfərli deyib.
“FES-in uçot dərəcəsini artıracağı öncədən məlum idi. Çünki 10 səsvermə hüququ olan üzvdən 8-i toplantıdan öncə mətbuat vasitəsi ilə faiz artımının lehinə səs verəcəyini bəyan etmişdi. Əsas məsələ FES rəhbərinin 2019-ci il siyasətini necə açıqlayacağı və Trampın faiz dərəcəsinin artırılmaması istiqamətində basqılarına nə cavab verəcəyi idi. Birincisi, FES rəhbəri 2019-cu ildə faiz artımının sayının azaldılacağı ilə bağlı açıqlama verdi. Yəni 2019-cu ildə üç yox, iki dəfə faiz artımına gediləcəyi ehtimal olunur. İkincisi, FES rəhbəri Trampın onların işlərinə müdaxilə etmək hüququnun olmadığını və rəhbərlik etdiyi qurumun müstəqil olduğunu söylədi. Əslində, bu çox vacib bir açıqlama idi”, - ekspert bildirib.
FES-in qərarının neft bazarlarına təsirinə gəlincə, iqtisadçı qeyd edib ki, hazırda dünyada bir korelasiya var:
“Artıq 40 ilə yaxındır ki, bahalı dollar daha ucuz neft anlamına gəlir. Dünyada dollar indeksinin bahalaşması neft qiymətlərinə mənfi təsir göstərir. Ancaq bu dəfə sözlü müdaxilələrlə dolların daha da bahalaşmasının qarşısını aldılar. Belə ki, FES rəhbəri daha yumşaq açıqlama verdi və gələn illə bağlı planlarının dəyişmədiyini bildirdi. Düzdür, bundan sonra dolların məzənnəsi cüzi də olsa dəyişdi. Ancaq FES mart və sentyabrda iki dəfə faiz artımına getsə, bu, dollar indeksinin daha da yüksəlməsinə səbəb olacaq. Bu da neftin qiymətlərinə mənfi təsir göstərən amillərdən biridir”.
Ekspert neft qiymətlərinin təkcə FES-in qərarları ilə bağlı olmadığını bildirib:
“Neftin qiyməti həm hasilat, həm də istehlakın səviyyəsi ilə bağlıdır. Dünyada son zamanlar neft istehsalında ciddi artımlar müşahidə olunur. Səudiyyə, Rusiya, əsasən də ABŞ-da hasilat durmadan artır. Bu yaxınlarda Dünya Enerji Agentliyi tərəfindən çox maraqlı araşdırma aparılıb. İddialara görə, ABŞ 2025-ci ildə təkbaşına Rusiya və Səudiyyənin istehsal etdiyi neftin cəmindən daha çox neft hasil edəcək. Bu isə o deməkdir ki, yaxın 5-6 ildə ABŞ-da neft hasilatı fantastik bir həddə - 20 milyon barrelə qədər yüksələ bilər. Bu xəbərlər də təbii ki, neft qiymətlərinə mənfi təsir göstərir. Neft qiymətlərinin enməsi bütün dünyada neftdən asılı olan ölkələrin iqtisadiyyatlarına mənfi təsir göstərməkdə davam edəcək. Gələn il üçün proqnoz vermək çətin olsa da, qiymətlərin 50-55 dollar civarında olması gözlənilir”.
Qeyd edək ki, FES 2018-ci il üzrə sonuncu iclasında faiz nisbətini 2,25-2.5 həcminə qədər artırıb.
“Brent” markalı neftin bir barrelinin qiyməti artıq 52 dollara doğru geriləyir.
Axar.az xəbər verir ki, bu sözləri dünya bazarında neft qiymətlərinin kəskin ucuzlaşması ilə bağlı danışan keçmiş maliyyə naziri, professor Fikrət Yusifov deyib. İqtisadçı neft bazarlarının OPEK-in gündəlik hasilatın 1,2 milyon barrel azaldılmasına dair son qərarına mənfi münasibət göstərməsinin səbəblərinə aydınlıq gətirib:
“Əslində, OPEK-ə üzv olan və onunla əməkdaşlıq edən hasilatçı ölkələr nə baş verdiyini çox yaxşı bilirlər. OPEK-in qərarından bir neçə ay öncə - neft bahalaşan zaman qiymətlərin tezliklə sürətlə düşəcəyini proqnozlaşdırmışdıq. Bu qərarın həmin gün də işləməyəcəyi öncədən bəlli idi”.
F.Yusifov qeyd edib ki, neftin qiymətləri ilə bağlı proseslərin bu şəkildə inkişaf etməsinin bir neçə səbəbi var:
“Birincisi, neft bazarının OPEK-in son qərarına inamı yoxdur. Yəni bazarlar bu qərarla neft hasilatının azalacağını düşünmür, əksinə, hesab edirlər ki, Səudiyyə və Rusiya real olaraq sözügedən qərara riayət etməyəcəklər. İkincisi, ABŞ-ın neft hasilatı və buna uyğun olaraq neft ixracını artırmağa dair müəyyən etdiyi strategiya və Birləşmiş Ştatlarda neft ehtiyatlarının artmasına dair məlumatlar bazara məlumdur. Üçüncüsü, ABŞ-ın İran neftinin satışına dair qadağaları 8 iri idxalatçı ölkəyə tətbiq etməməsi Tehranın bazara əlavə neft çıxarması üçün bir stimul oldu. Dördüncüsü, ABŞ-Səudiyyə arasında siyasi müstəvidə Qaşıqçının ölümü ilə bağlı gizli sövdələşmələr artıq bazara sızıb. Nəhayət, heç kim ABŞ-la və onun sərt mövqedə olan prezidenti ilə qarşıdurma yaratmaq istəmir”.
Professor bildirib ki, ABŞ neftin qiymətlərinin qalxmasının əleyhinədir:
“Bütün bu amillər neftin qiymətlərini, əvvəlcədən dediyimiz kimi, 40 dollar səviyyəsinə aparır. Təbii ki, bu proqnozların özünü doğrultması arzuolunan deyil. Ən azından ona görə ki, Azərbaycan da neft ölkəsidir və neftin qiymətlərinin aşağı düşməsi yaxşı heç nə vəd etmir”.
Qeyd edək ki, hazırda “Brent” markalı neftin bir barreli 53,27, VTİ markalı neftin bir barreli isə 45,52 dollara təklif edilir.
Hazırda vəziyyət kifayət qədər mürəkkəbdir, çünki dünya bazarlarında neft qiymətlərinin kəskin şəkildə ucuzlaşması İrana sanksiyaların başlaması ilə üst-üstə düşür.
Bunu Axar.az-a dünya bazarında neft qiymətlərinin ucuzlaşmasının səbəbləri haqda danışan iqtisadçı ekspert Rəşad Həsənov deyib. O bildirib ki, qlobal maliyyə institutları neftin qiymətində artım proqnozlaşdırsa da, əks proseslər baş verir:
“Dünyada neft hasilatının həcmində artımlar var. Xüsusilə də iri istehsalçılar - Səudiyyə və Rusiya neft hasilatını sürətlə artırır. OPEK-in 2018-ci ilin iyununda hasilatın tənzimlənməsi ilə bağlı sazişə düzəlişlər etməsi və gündəlik hasilatı 1 milyon barrel artırması son nəticədə bazarı doydurdu. ABŞ-da isə kommersiya əhəmiyyətli neft rezervlərinin və qazılan quyuların həcmi artır. Üstəlik, Rusiya tarixi rekordunu yeniləyir, Səudiyyə də rekord səviyyədə neft istehsal edir. ABŞ-ın sanksiyalarına baxmayaraq, İran da son iki ayda neft ixracını artırıb. Eyni zamanda, ABŞ-ın İranla bağlı sanksiyalarda 8 ölkəyə ciddi güzəştlər etməsi, Ər-Riyadın manipulyasiya və manevrləri də neftin ucuzlaşmasının əsas səbəblərindəndir. Səudiyyə bir tərəfdən bazarda volatiliyin aradan qaldırılması və tənzimlənməsi istiqamətində mövqe ortaya qoyur, digər tərəfdən isə hasilatı artırır. OPEK-in 7 dekabr görüşləri ərəfəsində də Səudiyyənin destruktiv mövqeyi təşkilatdan gözləntilərin müəyyən qədər zəifləməsinə gətirib çıxardı. Təbii ki, bütün bu faktorlar da neft bazarlarına ciddi təsir göstərir”.
Ekspert neft qiymətlərinin hətta 50 dollardan da aşağı düşə biləcəyini istisna etməyib:
“Hər şey OPEK-in və OPEK-ə daxil olmayan ölkələrin bazarda baş verənləri təcili şəkildə dəyərləndirməsindən və qəbul ediləcək qərardan asılı olacaq. Hansısa fors-major vəziyyət yaranmasa, növbəti görüşlər fevralda baş tutacaq. Bu isə o deməkdir ki, növbəti həftələrdə neftin qiyməti ilə bağlı ümumi mənzərə heç də ürəkaçan olmayacaq”.
İqtisadçı neftin ucuzlaşmasının Azərbaycana da təsirsiz ötüşməyəcəyini deyib:
“2019-ci ilin dövlət büdcəsində neftin qiyməti 60 dollardan götürülüb. Neft qiymətlərinin 70 dollara qədər qalxacağı proqnozlaşdırılsa da, hazırkı situasiya nisbətən daha dramatik bir ssenarinin gözlənildiyini deməyə əsas verir. Rezervlərimizin olmasına baxmayaraq, 2019-cu ilin mayına qədər fiskal siyasətə yenidən baxıla, hətta dövlət büdcəsinin qorunmayan xərclərinə müəyyən sekvestrlər tətbiq oluna bilər”.
Qeyd edək ki, bu gün “Brent” markalı neftin qiyməti 54,65 dollara, VTİ isə 46,23 dollara düşüb.
“Kapital Bank”31 dekabr – Dünya Azərbaycanlılarının Həmrəyliyi Günü və Yeni İl bayramı ərəfəsində növbəti sosial layihə həyata keçirib. Layihə çərçivəsində Bankın İdarə Heyətinin sədri, müavinləri, üzvləri, bir sıra departament direktorları və yaxın rayonlarda olan filialların direktorları hərbi hissədə əsgər və zabit heyəti, Qarabağ qaziləri, həmçinin şəhid ailələri ilə görüş keçirib.
Axar.az xəbər verir ki, layihəni həyata keçirməkdə məqsəd, vətən uğrunda canından keçmiş şəhidlərin yaxınlarına, həmçinin hazırda vətənimizin keşiyində duran əsgərlərə diqqət yetirməklə, onların bayram günlərində unudulmadıqlarını bildirməkdir. Ailələrindən, evlərindən uzaq olan əsgərlərə birgə bayram qeyd etmək, əsgərlərin mənəvi-psixoloji hazırlığına müsbət təsir göstərir.
Tədbir zamanı Bankın rəhbərliyi Müdafiə Nazirliyinin tabeliyində olan N saylı hərbi hissəyə baxış keçiriblər, əsgərlər üçün yaradılan şəraitlə tanış olublar və hərbi hissənin şəxsi heyəti ilə birgə nahar ediblər. Görüşdən sonra əsgərlərə və şəhid ailələrinə bayram sovqatı paylanılıb. Bundan başqa hərbi hissəyə, əsgər və zabitlərin ümumi istifadəsi üçün hədiyyələr də təqdim olunub.
Tədbirdə çıxış edən “Kapital Bank”ın İdarə Heyətinin sədri Rövşən Allahverdiyev, əsgərləri, zabitləri, müharibə veteranarını və şəhid ailələrini qarşıdan gələn bayram münasibətilə təbrik edib və tədbirin keçirilməsində dəstək olan Müdafiə Naziri Zakir Həsənova və hərbi hissənin komandirinə təşəkkürünü bildirib.
Azərbaycanda ən böyük filial şəbəkəsinə malik olan “Kapital Bank”, 98 filialı və 11 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.azsaytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.
Bir müddətdir ucuzlaşmaqda davam edən və ötən gün səhər 56 dollara qədər geriləyən neft qiymətlərində növbəti ciddi eniş müşahidə edilib.
Axar.az xəbər verir ki, ötən gün ərzində “Brent” markalı neftin bir barreli daha 1,8 dollar enib və 54,35 dollara düşüb.
Bu gün səhər isə “Brent”in satışında cəmi 0,3 dollar artım baş verib və hazırda bu neft markası 54,65 dollara, VTİ isə 46,23 dollara satılır.
OPEK+ ölkələrinin gündəlik neft istehsalının 1.2 milyon barrel azaldılması barədə qərarı neftin qiymətinin stabilləşməsinə hələ də təsir etməyib.
Axar.az xəbər verir ki, bir neçə gündür sürətlə ucuzlaşan “Brent” markalı neftin bir barreli bu gün artıq 56,13 dollara düşüb.
VTİ markalı neftin bir barreli isə artıq 47 dolara qədər geriləyib.