 |
|
Azərbaycan Respublikasının Prezidenti İlham Əliyev oktyabrın 23-də Mehdi Hüseynzadə adına Sumqayıt şəhər stadionunda yenidənqurmadan sonra yaradılan şəraitlə tanış olub.
Sumqayıt Şəhər İcra Hakimiyyətinin başçısı Zakir Fərəcov dövlətimizin başçısına stadionda görülən işlər barədə məlumat verib.
Qeyd edək ki, Mehdi Hüseynzadə adına Sumqayıt şəhər stadionunun yenidən qurulmasına Azərbaycan Respublikası Prezidentinin 2019-cu il 21 noyabr tarixli Sərəncamına əsasən, 2020-ci ildə başlanılıb. Tikinti işləri mərhələli şəkildə icra edilməklə 2022-ci ildə başa çatdırılıb.
Tamaşaçı tutumu 9 502 nəfər olan stadionun ərazisi 6,8 hektardır. İyirmi iki sektordan ibarət stadionda 545 nəfərlik VIP və KİV tribunası da yaradılıb, ərazi abadlaşdırılıb, yaşıllıq zonaları salınıb.
Bildirildi ki, tikilialtı sahədə cüdo, boks və karate zalları fəaliyyət göstərəcək. Burada, eyni zamanda, iki trenajor otağı, 40 nəfərlik konfrans zalı, inzibati otaqlar, jurnalistlər, hakim, həkim, şərhçilər, məşqçilər üçün otaqlar və digər texniki-köməkçi otaqlar var.
Son illər ölkəmizdə idmanın inkişafına böyük diqqət və qayğı göstərilir. Bunun nəticəsidir ki, bu gün Azərbaycan idmançıları beynəlxalq yarışlarda yüksək göstəricilər əldə edir, üçrəngli Bayrağımızı ucaldırlar. Bütün bunlar göstərir ki, ölkəmizdə idmanın inkişafının və onun kütləviliyinin təmin olunması istiqamətində dövlət siyasəti uğurla davam etdirilir. Bu diqqət və qayğı həm də yeni nəslin sağlam ruhda böyüməsinə, gənclərin idmana marağının artırılmasına yönəlib ki, belə idman obyektlərinin istifadəyə verilməsi bu məqsədin həyata keçirilməsində mühüm rol oynayır.
"İsraillə qarşı HƏMAS-ın qanlı terror hücumunu təşkil edən molla rejiminin Azərbaycana qarşı daha qorxunc hücumlar hazırladığının əlamətləri aydın görünür". DİA.AZ bildirir ki, bunu öz açıqlamasında siyasi şərhçi Xaqani Cəfərli qeyd edib."Azərbaycanı bu qorxunc təhlükədən İsrailin qələbəsi, İranın məğlubiyyəti xilas edə bilər", deyə çıxış yolu barədə danışan ekspert daha sonra əlavə edib: "İsrailin Azərbaycanın təhlükəsizliyinin və inkişafındakı müstəsna önəmi bütün çılpaqlığı ilə aydın olduğu halda İsrailə qarşı nifrət yağdırmaq İranın ölkəmizə yönəlik qorxunc niyyətlərinin ideoloji əsaslarını yaratmağa xidmət edir.
Töfid İbrahimbəylinin Qumdan Azərbaycana yönəlik təxribatçı çağrışlarından daha təhlükəli fikirlər Azərbaycanın içərisindən yayılır. Dövlətin və millətin təhlükəsizliyi ciddi təhdid altındadır. Susmaq, hərəkətsiz qalmaq çox ağır nəticələr doğura bilər".
Azərbaycan Respublikasının Prezidenti İlham Əliyev oktyabrın 23-də ulu öndər Heydər Əliyevin Sumqayıt şəhərinin mərkəzində ucaldılan abidəsini ziyarət edib.
Dövlət başçısı abidənin önünə gül dəstəsi qoyub.
Azərbaycan Respublikasının Prezidenti İlham Əliyev oktyabrın 23-də Sumqayıtda olub.
Dövlət başçısı əvvəlcə Sumqayıt Kimya Sənayesi Parkında “Çinar-Servis” İstehsal-kommersiya firmasının Texniki qazların istehsalı müəssisəsinin təməlini qoyub, “Novus Plastica” MMC-nin Polimer qatqıları istehsalı müəssisəsinin, “Universal Qablaşdırma Sənayesi” QSC-nin Qablaşdırma məhsulları istehsalı müəssisəsinin, “Azərbaycan Vanhong Ceramics Co.” MMC-nin Keramik plitələr istehsalı müəssisəsinin açılışında iştirak edib, “Kartaş Kimya” MMC-nin müxtəlif Tikinti kimyəvilərinin istehsalı müəssisəsinin təməlini qoyub.
Sonra dövlət başçısı Ulu Öndər Heydər Əliyevin Sumqayıt şəhərinin mərkəzində ucaldılan abidəsini ziyarət edib, yenidən qurulan Mehdi Hüseynzadə adına Sumqayıt şəhər stadionunda yaradılan şəraitlə tanış olub, 2 saylı Sumqayıt Şəhər Xəstəxanasının yeni binasının açılışında iştirak edib.
Azərbaycan Prezidenti İlham Əliyev Macarıstanın Baş naziri Viktor Orbana təbrik məktubu ünvanlayıb.
Məktubda deyilir:
"Hörmətli cənab Baş nazir,
Macarıstanın milli bayramı münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.
Azərbaycan ilə Macarıstan arasında yüksək səviyyəli dövlətlərarası əlaqələr və uğurlu əməkdaşlıq məmnunluq doğurur. Möhkəm dostluğun və tərəfdaşlığın yaxşı nümunəsi olan, qarşılıqlı etimad və dəstəyə əsaslanan münasibətlərimizin gündən-günə genişlənməsi və yeni məzmunla zənginləşməsi bizi olduqca sevindirir.
Ölkələrimizin beynəlxalq və regional təşkilatlar çərçivəsində konstruktiv qarşılıqlı fəaliyyətini və dəstəyini, aktual qlobal və regional məsələlərdə oxşar mövqelərdən çıxış etməsini xüsusi qeyd etmək istərdim.
Əminəm ki, mövcud imkanlardan yararlanaraq birgə səylərimizlə ölkələrimiz arasında genişlənmiş strateji tərəfdaşlığın, həm ikitərəfli qaydada, həm də çoxtərəfli müstəvidə, xüsusilə də Türk Dövlətləri Təşkilatı çərçivəsində qarşılıqlı səmərəli əməkdaşlığımızın daha da dərinləşməsinə nail olacağıq.
Tezliklə görüşmək ümidi ilə Sizə möhkəm cansağlığı, xoşbəxtlik, dövləti fəaliyyətinizdə uğurlar, dost Macarıstan xalqına daim əmin-amanlıq və rifah arzulayıram".
Azərbaycan Respublikasının xarici işlər naziri Ceyhun Bayramov “3+3” formatında nazirlər görüşündə iştirak etmək məqsədilə İran İslam Respublikasına işgüzar səfərə yola düşüb.
Bu barədə Azərbaycan XİN məlumat verib.
Qeyd olunur ki, səfər çərçivəsində Ceyhun Bayramovun tədbirdə çıxışı, eləcə də ikitərəfli görüşlərinin keçirilməsi nəzərdə tutulub.
***
Azərbaycan xarici işlər naziri Ceyhun Bayramov bu gün İranın paytaxtı Tehranda “3+3” regional formatı (Azərbaycan, Ermənistan, Gürcüstan, İran, Rusiya, Türkiyə) çərçivəsində keçiriləcək görüşdə iştirak edəcək.
Bu barədə Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə deyib.
O bildirib ki, C.Bayramov oktyabrın 23-də İrana yola düşəcək.
Xarici işlər nazirlərinin iştirakı ilə keçiriləcək görüşdə siyasi, iqtisadi, təhlükəsizlik, nəqliyyat, enerji sahələrində regional əməkdaşlıq məsələləri müzakirə ediləcək.
Qeyd edək ki, Gürcüstan Xarici İşlər Nazirliyi rəsmi Tbilisinin Tehranda “3+3” regional formatında keçiriləcək görüşdə iştirak etməyəcəyini təsdiqləyib. Gürcüstan “3+3” formatının ötən il Moskvada baş tutan ilk görüşündə də iştirak etməyib.
Azərbaycan Xarici İşlər Nazirliyi (XİN) Macarıstanı Milli Günü münasibətilə təbrik edib.
Təbrik mətni qurumun “X” hesabında paylaşılıb.
"Dost Macarıstan hökumətini və xalqını Milli Günü münasibətilə təbrik edirik! Milli gününüz mübarək!" - təbrikdə qeyd olunub.
“Mən Ermənistanın media sahəsində yeni, təhlükəli tendensiya müşahidə edirəm və bu barədə danışmaq istəyirəm. Müxalifət kanalları Qarabağ ermənilərinin köçürmədən əvvəl və ya köçürülmə zamanı azərbaycanlılar tərəfindən çoxsaylı işgəncələrə məruz qaldıqlarını bildirən materiallar yayırlar”.
Bunu erməni bloger Natali Aleksanyan bildirib.
“Mənim çıxışımın bu insanlara aidiyyəti yoxdur, onlara deməyə sözüm yoxdur, çünki bilirəm ki, Qarabağ ermənilərinin hələ də həll olunmamış problemləri çoxdur. Amma mənim çıxışım bu həll olunmamış problemlərin həlli müqabilində insanları işgəncələrlə bağlı yalan ifadələr verməyə məcbur edən erməni mediasının özlərinə aiddir. Bu, yanlışdır. Mən çoxlu Qarabağ erməniləri ilə danışmışam və heç biri azərbaycanlıların onlara qarşı pis münasibətinə belə, eyham vurmayıb. Mən azərbaycanlıların gedən ermənilərə çörək-su payladığı, onlarla mehriban ünsiyyət qurduğu Azərbaycan mediasının kadrlarını nəzərdə tutmuram. Xeyr, şəxsi təcrübəmə istinad edirəm, çünki əminəm ki, mənimlə danışan Qarabağ ermənilərinə həqiqətən də işgəncə verilsəydi, o zaman söhbətimizin ilk mövzusu bu işgəncə haqqında olacaq”.
Fransanın sərgilədiyi mövqe Cənubi Qafqazda sülhə deyil, əksinə, bölgənin daha da militarizasiyalaşdırmaya xidmət edir.
Bunu rusiyalı hərbi ekspert İqor Korotçenko deyib.
Onun sözlərinə görə, bölgədənkənar qüvvələrin, xüsusən də Fransanın Cənubi Qafqazdakı proseslərə bu cür müdaxiləsi, regionda sülhün yaranmasına ən ciddi əngəllərdən biridir.
“Biz bu gün Fransanın hər vasitə ilə bölgədəki proseslərə müdaxiləsini müşahidə etməkdəyik. Fransa bunun üçün Ermənistanla hətta hərbi sahədə əməkdaşlığı inkişaf etdirməyə çalışır. Fransanın gələcək hədəfi Ermənistanda hərbi baza yaratmaqdır. Bu isə bölgənin gələcək təhlükəsizliyinə ciddi təhdid yaratdığından heç bir region ölkəsinin, o cümlədən heç Ermənistanın özünə lazım deyil. Fransa belə bir hərbi baza yaradarsa, bu, ilk növbədə Ermənistan üçün təhlükə olacaq”, - Korotçenko deyib.
O əlavə edib ki, Fransanın Ermənistanla hərbi əməkdaşlığının inkişafında hər hansı sağlam element tapmaq qeyri-mümkündür. “Bir çoxları hesab edir ki, Paşinyanın Rusiya ilə hərbi əməkdaşlığı pozması elə də asan məsələ deyil. Ermənistandakı hərbi bazanı çıxara və ya KTMT-ni tərk edə bilməz. Amma unutmayaq ki, mümkün olmayan şey yoxdur. 5 il əvvəl də heç kim ağlına gətirə bilməzdi ki, Cənubi Qafqazda belə bir vəziyyət yaransın və Azərbaycan öz ərazi bütövlüyünü təmin etsin.
Bir şey deyə bilərəm ki, Moskva regiondankənar oyunçu olan Fransanın Ermənistandakı hərbi varlığına dözə bilməz və bu, qeyri-mümkündür”, - Korotçenko bildirib.
Rusiya və İran 2024-cü ilin mart ayına qədər iki ölkədən idxal olunan mallar üçün rüsumları aradan qaldırmağa razılaşıblar.
APA-nın TASS-a istinadən verdiyi məlumata görə, bu barədə İran-Rusiya Birgə Ticarət Palatasının üzvü Kambiz Merkazemi bildirib.
“İran və Avrasiya ölkələri arasında münasibətlərin kommersiya inkişafı ilə əlaqədar olaraq, operatorların gömrük, tariflər və rəqabətli bazar sahəsində problemləri ilin sonuna kimi həll olunacaq”, - deyə bildirilib.
O, belə problemlərin həllinin milli valyutalarda hesablaşmalar, həmçinin azad ticarət və İranın Rusiya, Ermənistan və Belarusla gömrük sərhədlərinin açılması olduğunu izah edib.
Merkazemi həmçinin qeyd edib ki, azad ticarət sazişinin həyata keçirilməsi üçün infrastruktur İran və Rusiya danışıqlarında yüksək səviyyəli qarşılıqlı anlaşma sayəsində sürətli templə yaradılır.