 |
|
Azərbaycan suverenliyini bərpa etdikdən sonra da erməni amili üzərindən bölgədəki maraqlarını tətbiq etməyə çalışan qüvvələr planlarından əl çəkmir və növbəti, həm də son hesab edilə biləcək kartı oynamaq istəyirlər:
Ermənistana gedən ermənilərin yenidən geri qaytarılması;
Bu məsələdə Rusiyanın öz, Qərbin öz maraqları var, lakin hər iki tərəf siyasi oyunu eyni alət üzərində qurur:
- Daha çox erməninin qayıtması Moskva üçün sülhməramlı kontingentinə ehtiyacın olması deməkdir;
- Qərb ölkələri, xüsusilə Fransanın başçılıq etdiyi cəbhə “beynəlxalq missiya” adı altında Qarabağa daxil olmaq, rusların yerini tutmaq istəyir;
Fransa “Ermənilərin Qarabağa qayıtması” məsələsini BMT Təhlükəsizlik Şurasında müzakirəyə çıxarmağa və bununla bağlı qətnamənin qəbul edilməsinə də hazırlaşır. İstisna deyil ki, qarşıdakı dövrdə ermənilərin qayıtması məsələsi üzərindən Azərbaycana qarşı kampaniyanı genişləndirməyə də çalışacaqlar. Lakin bu planların perspektivi görünmür.
Birincisi, işğal dövründə yaşadıqları ərazilərdə Azərbaycan bayrağının dalğalanmasını görən ermənilərin böyük əksəriyyəti geri qayıtmaq istəməyəcək;
İkincisi, çox az hissəsi geri qayıtmaq istəsə də Azərbaycan bayrağı altında Azərbaycan vətəndaşı olaraq yaşamalı olacaqlar və bu, erməni əhalisi üzərindən separatizm planlarının qarşısını qanun çərçivəsində almaq imkanı verir;
Əslində Əliyev Xankəndidə bayraq qaldırmaqla yeni oyun qurmaq istəyən tərəfləri də qabaqlamış oldu.
Xocalıda anbardan kisələrdə erməni unu tapılıb.
Bunu sübut edən görüntünü “Bez Tormozov” teleqram kanalı əldə edib.
Erməni bloger Edvin Martirosyan da öz növbəsində Qarabağ üzərindən qurulan erməni fırıldaqlarını ifşa edib. O, “artsax” deyib hayları aldadan iş adamlarından tutmuş kriminallara qədər bütün belə soydaşlarının yalanları izləyiciləri ilə bölüşüb.
Bu barədə Ölkə.Az-da məqalə dərc olunub.
Eyni zamanda, sosial mediada ermənilərin hərbi formalarını yandırdıqlarını əks etdirən görüntülər ortaya çıxıb.
Rusiya prezidenti Vladimir Putin MDB Dövlət Başçıları Şurasının iclasının yekunları ilə bağlı keçirdiyi mətbuat konfransında Qarabağla bağlı maraqlı açıqlamalar səsləndirib. Putin qeyd edib ki, artıq Qarabağ məsələsi bitib, bütün dünya, eləcə də Ermənistan Qarabağı Azərbaycanın tərkib hissəsi kimi tanıyıb.
Putinin məlum açıqlaması dövlətimizin 44 günlük Vətən müharibəsində əldə etdiyi qələbəni diplomatik müstəvidə davam etdirməsinin, möhkəmlənməsinin göstəricisi sayıla bilərmi?
Moderator.az-a açıqlama verən millət vəkili Nəsib Məhəməliyev bütün bu açıqlamaların kökündə 44 günlük Vətən müharibəsindəki böyük zəfərin dayandığını bildirib:
“Putinin “Qarabağ məsələsi bitdi, Qarabağ Azərbaycan torpağıdır” ifadəsini işlətməsi, heç şübhəsiz 44 günlük müharibənin yaratdığı reallıqların nəticəsidir. Sentyabr ayının 20-də keçirilən anti-terror tədbirləri isə, Qarabağ ərazisində erməni separatizminə nöqtə qoydu. Əgər, 44+1 müharibəsi olmasaydı, nəinki Putin, uzun illər münaqişənin həlli ilə məşğul olan heç bir dövlət başçısı “Qarabağ Azərbaycandır” bəyanatını səsləndirməzdi.
Son zamanlar, bəzi Qərb dairələrinin ölkəmizin qələbəsini həzm edə bilmədiklərinin və kütləvi təzyiqlərinin müşahidə edirik. Həmin qüvvələr bölgədə sülhün yaranmasında qətiyyən maraqlı görünmürlər və ermənilərdən öz maraqları üçün istifadə edirlər. Paşinyanın Bişkekdə keçirilən MDB Dövlət Başçılarının iclasında iştirak etməməsi də, növbəti səhvdir və xaricdən aldığı təlimatlarla əlaqəlidir.
Ermənistan başa düşməlidir ki, kimin forpostu olursan ol, fərq etməz, kimsə sənin əvəzinə, sənin problemlərini həll etməyəcək. Qonşularınla normal münasibət qurmadan təhlükəsiz yaşayışını təmin edə bilməzsən.
Zaman Azərbaycanın xeyrinə işləyir. Yeganə çıxış yolu, Prezident İlham Əliyevin irəli sürdüyü şərtlərin icrasıdır. Ermənilər, Azərbaycan Prezidentinin apardığı siyasəti, özləri üçün nümunə götürməli, bəhrələnməlidirlər. Əks halda, dövlətçilikləri təhlükə altında qala bilər”.
Azərbaycan Respublikasının Prezidenti İlham Əliyev oktyabrın 16-da Füzuli şəhərində ikinci yaşayış kompleksinin təməlini qoyub.
Bu barədə Prezidentin Mətbuat Xidməti məlumat yayıb.
Azərbaycan Respublikasının Prezidenti İlham Əliyev oktyabrın 16-da Füzuli şəhərində idman kompleksinin təməlini qoyub.
Bu barədə Prezidentin Mətbuat Xidməti məlumat yayıb.
Qarabağ müharibəsindəki acı məğlubiyyət ermənilərin daxilində kəskin formada qarşılıqlı ittihamlara səbəb olub. Ermənilər bu acı məğlubiyyətə görə, istər diaspor təşkilatları, istər siyasi qüvvələr, ictimai təşkilatlar, fondlar, media və sair hamı bir-birini qarşılıqlı formada günahlandırır.
Bu məğlubiyyətdə Qarabağ adına yüz milyonlarla vəsait toplayıb onu mənimsəyən “Daşnaksütun” partiyasını, erməni diaspor təşkilatlarını, fondalarını ittiham edən yazı ilə Avropada fəaliyyət göstərən bloger Edvin Martirosyan yazıb.
“Qarabağ adına toplanan yüz milyonlarla vəsait hara yoxa çıxdı” yazısında bloger “Daşnaksütun”u və diasporanı ittiham edib.
Martirosyan yazır ki, 30 ildən artıq müddətdə sadə insanlar Qarabağ adı ilə talan edildi və bu da son acı aqibət.
“Toplanan pullar deyilən məqsədlərə yox, məhz pul toplayan şəxslərin öz şəxsi rahat və təm-təraqlı həyat tərzinin təmin edilməsinə xərcləndi. Onların hədəfi heç də Qarabağ deyildi. Axmaq bir insana da aydın idi ki, bu heç də həmin insanların Qarabağa olan sevgisindən, vətənpərvərliyindən irəli gəlmir. Bu insanlar Qarabağdakı yaşlı, uşaq, xəstə, əsgər adı altında toplanan milyonlarla vəsait ünvanına deyil, şəxsi maraqlarına xərclənirdi. Yalnız onun cüzu hissəsi sadə ermənilərə çatırdı. O da hamıya deyil. Çox az adama” – o qeyd edib.
Martirosyan əlavə edib ki, “Daşnaksütun” büdcəsinin 90 faizi məhz Qarabağ adı altında toplanan pullar hesabına formalaşıb.
“Bu pullar hesabına daşnaklar xarici ölkələrdə özlərinə rahat həyat şəriti qurdular. İndi Qarabağ itkisi daşnakların ən ağrılı yeri olacaq. Çünki onlar havayı milyonlardan olacaqlar.
Qarabağ adına pul yığıb onları talayanlardan biri erməni katalikosunun qardaşı Vladik Ezrasdır. O bütün Rusiyada yaşayan ermənilərədən Qarabağ və kilsə adına milyonlarla dollarla pul toplayıb və onları mənimsəyiblər.
Vldaik Ezras təkcə 44 günlük müharibə dövründə topladıqları yardımlar hesabına bütün kiləslərin zirzəmilərini doldurdular və həmin yardım Qarabağdakı ermənilərə çatdırılmadı. Erməni katalikosları 30 ildən artıq müddətdə Qarabağ hesabına yüz milyonlarla vəsaiti mənimsədilər.
Rusiyada 50 mindən artıq Qarabağ ermənisi yaşasa da, onlardan heç biri Qarabağ uğrunda savaşa qatılmadı. Əkisnə, müxtəlif adlar altında pullar toplayıb onu mənimsədilər. Rusiyanın Vladimir vilayətində təkcə 500-dək Qarabağ erməni ailəsi yaşayır. Onlar da Qarabağ adına pul topladılar və nəticədə Vladimir vilayətində özlərinə saraylar, villalar tikib. Şəxsi bizneslərini inkişaf etdirdilər. Bunu Rusiyanın bütün bölgələrində yaşayan erməni təşkilatlarına aid etmək olar. Bunları sadalaqdıca bitmir ki, bitmir. Amma bunlar arasında ən biabırçı vəziyyət Ermənistanın Rusiyadakı səfirliyinin tərkibində fəaliyyət göstərən Qarabağ nümayəndəliyi və onun rəhbəri Albert Andrianın fəaliyyəti ilə bağlıdır. Bu dələduzluq “kontor”u olan qurum Rusiyada yaşayan və restoranı olan Qarabağ ermənilərini konkret məbləğdə aylıq ödənişlərə məcbur edib. Dələduzluqla məşğul olan bu “kontor” topladığı milyonlarla dollar vəsaiti Qarabağa göndərməyib və heç kim də onların bu fəaliyyətindən hesab sormayıb. Bu “afyor şayka” Qarabağ üçün heç nə etməyib. Fırıldaqla milyonlar toplayıb və onları öz ətrafı ilə birgə həzmi-rabedən keçiriblər.
Milyonların mənimsənilməsində erməni mənşəli kriminal avtoritetlər də geri də qalmayıb. Onlar da yüz milyonları mənimsəyiblər.
Ermənilərin pullarını öz məqsədləri üçün xərcləyən digər təşkilat isə Ümümerməni Rusiya İttifaqının rəhbəri Ara Abramyandır. Bu insan təkcə 44 günlük müharibə dövründə 100 milyonlarla dolları toplayıb və sonra Rusiyadan ABŞ-yə qaçıb”, - Martirosyan qeyd edib.
O eyni zamanda yazıb ki, Ermənistanın xaricdəki səfirləri də fürsətdən yaxşıca faydalanıb milyonlar qazanıblar.
“Təkcə Ermənistanın Rusiyadakı səfirliyinin çağırışı ilə 44 günlük müharibə dövründə Vartan Toqoyana məxsusu “Forabank”ın hesabına yüz milyonlarla dollar vəsait toplanıb. Lakin toplanan bu pulların da son aqibəti bəlli deyil.
Qarabağ adına pul yeyən təşkilatlardan biri də Ermənistan Fondudur”, - o bildirib.
Martirosyan onu da qeyd edib ki, “Qarabağ klanı” da dünya ermənilərindən digərlərindən heç də az pul mənimsəməyib: “Köçəryan, Sarqsyan, Qukasyan, Saakayan və Arayik Harutyunyan kimi şeytan, xəyanətkar, satqınlar da dünya erməniləri hesabına əldə edilən milyonları oğurlayıblar. Bu alçaq məxluqlar Qarabağ adına toplalan milyardlarla pullardan ancaq çox cüzisini xərcləyib. Qalanını isə öz şəxsi mənfəətləri üçün xərcləyiblər”.
Azərbaycan Respublikasının Prezidenti İlham Əliyev oktyabrın 16-da Füzuli rayonunun Qoçəhmədli kəndinin təməlini qoyub.
Bu barədə Prezidentin Mətbuat Xidməti məlumat yayıb.
Azərbaycan Respublikasının Prezidenti İlham Əliyev oktyabrın 16-da Füzuli rayonunun Cuvarlı kəndinin təməlini qoyub.
Bu barədə Prezidentin Mətbuat Xidməti məlumat yayıb.
Xəbər verdiyimiz kimi, dünən Azərbaycan Prezidenti İlham Əliyev Xankəndi şəhərinə səfər edib.
Dövlət başçısı seperatçıların “prezident sarayı” kimi istifadə etdiyi binaya baxış keçirdiyi zaman maraqlı anlar yaşanıb.
“Bunların xəstəliyi bax, budur - dırnaqarası böyük Ermənistan. Onu bədbəxt edən bax, budur”, - dövlət başçısı deyib.
Həmin görmürləri təqdim edirik:
Polis general-mayoru Sərdar Səfərov Xankəndiyə komendant təyin edilib.
Sərdar Səfərov 1973-cü ildə Sumqayıtda anadan olub. Dövlət Bədən Tərbiyəsi İnstitutunu, Türkiyə Respublikasının Jandarma Zabitlər Məktəbini və DİN-in Polis Akademiyasını bitirib.
1996-2005-ci illərdə Daxili qoşunlarda xüsusi təyinatlı bölük komandiri, Xüsusi təyinatlı taborun qərargah rəisi kimi xidmət edib. 2019-2022-ci illərdə Bakı Şəhər Baş Polis İdarəsinin İctimai Təhlükəsizlik İdarəsinin rəis müavini və həmin İdarənin rəisi olub. 2022-ci ilin fevralnda BŞBPİ rəisinin xidmət üzrə müavini vəzifəsinə təyin olunub.
Bu ilin yanvarında isə o, nazir Vilayət Eyvazovun əmri ilə Daxili İşlər Nazirliyinin Baş İctimai Təhlükəsizlik İdarəsinin rəisi təyin edilib.
S.Səfərov 2022-ci ildə Prezidentin sərəncamı ilə general-mayir rütbəsinə layiq görülüb.
"Hərbi xidmətlərə görə", "İgidliyə görə", "Vətən uğrunda" medalları ilə təltif edilib. Ailəlidir, üç övladı var.