 |
|
Bakıda ərzaq məhsullarının saxlanılması üçün iri anbarın tikintisi 2020-ci ilin əvvəlində başa çata bilər.
Bunu Trend-ə “Nabucco Memarlıq və İnşaat” tikinti şirkətinin direktoru Kəmaləddin Məsimov deyib.
Onun sözlərinə görə, bu günədək metal konstruksiyanın quraşdırılması üzrə işlərin 20 faizi başa çatıb.
Şirkət direktoru bildirib ki, yeni obyektin tikintisində bir neçə Azərbaycan şirkəti iştirak edir:
“Hazırda özülün quraşdırılması üzrə beton işləri başa çatıb. Metal konstruksiyası da quraşdırılandan sonra digər Azərbaycan şirkəti obyektin ventilyasiyasının quraşdırılmasına başlayacaq. Obyektin gələn ilin ilk aylarında istifadəyə veriləcəyi gözlənilir”.
Onun sözlərinə görə, şirkət əsasən şəxsi villalar və digər obyektlərin tikintisi ilə məşğul olur:
“Biz əsasən fərdi sifarişçilərlə müqavilə əsasında işləyirik və bu gün müəssisəsimizin əsas gəlir mənbəyi bu sahədir. Eyni zamanda bizim texniki imkanlarımız və kadr potensialımız imkan verir ki, biz istənilən dövlət əhəmiyyətli obyektin tikintisi ilə məşğul olaq. Təəssüf ki, hələlik bununla bağlı sifariş almamışıq, ona görə də bu istiqamətdə iş təcrübəmiz yoxdur”.
K.Məsimov əlavə edib ki, ölkənin tikinti sektorunda hazırkı vəziyyəti stabil olaraq qiymətləndirmək olar:
“Demək olmaz ki, tikinti bumu yaşanır, amma ümumilikdə bu sektorda inkişaf dinamikası var”.
Təhdidlərinizə diqqət edin.
Axar.az xəbər verir ki, bunu ABŞ Prezidenti Donald Tramp İran Prezidenti Həsən Ruhaninin uranın zənginləşdirilməsi ilə bağlı məhdudiyyətin tam olaraq aradan qaldırıla biləcəyi barədə xəbərdarlığına münasibət bildirərkən deyib.
"İran yeni xəbərdarlıq etdi. Ruhani nüvə razılaşmasının olmayacağı təqdirdə uranı zənginləşdirəcəklərini dedi. Bu təhdidlər geri qayıdıb sizi sanca bilər", - Tramp bildirib.
.jpg)
Havaların isti keçməsi ölkə yollarında qəzaların çoxalmasına səbəb ola bilər.
"Xəzər xəbər"in məlumatına görə, mütəxəssislər istilər səbəbi ilə qəzaların baş vermə ehtimalının artdığını bildirir. Belə halla qarşılaşmaq istəməyən sürücülər isə bəzi nüansalara diqqət etməlidir.
Mütəxəssislər bildirir ki, yay aylarında uzaq səfərlərə çıxan sürücülərin sayı artdığından xüsusilə ağır qəzaların sayı çoxalır. Bu fakta istinin də təsiri böyükdür. Xüsusən də şinlərin və alt işlək hissələrin normalara cavab verməməsi qəza riskini artırır.
Bundan başqa, xüsusi ilə uzaq yola kondisionersiz və ya kondisioneri nasaz olan avtomobillərlə çıxmaq tövsiyə edilmir.
Mütəxəssislər tövsiyyə edir ki, uzaq səfərdən əvvəl avtomobil texniki baxışdan keçirilsin. Belə olan halda nasazlıq səbəbi ilə baş verən qəzaların da sayı azalar.
Millət vəkili Aydın Mirzəzadə ali məktəbə qəbul olan abituriyentə böyük jest edib.
Azərbaycan mətbuat tarixinin tədqiqatçısı, Bakı Dövlət Universitetinin professoru Şirməmməd Hüseynov vəfat edib.
“Qafqazinfo” xəbər verir ki, Prezident təqaüdçüsü bu gün 95 yaşında dünyasını dəyişib.
Allah rəhmət eləsin!
Bakı Nəqliyyat Agentliyi nəqliyyat vasitələri sahiblərinin dayanma, durma və parklanma qaydaları ilə bağlı məlumat yayıb.
Şamaxıda yol-nəqliyyat hadisəsi baş verib.
Hadisə bu saatlarda Bakı-Şamaxı-Yevlax yolunun 112 km-də, Şamaxının Mərzəndiyə kəndi ərazisində qeydə alınıb.
İki minik avtomobilinin toqquşması nəticəsində xəsarət alanlar Şamaxı Rayon Mərkəzi Xəstəxanasına yerləşdirilib. Hazırda xəsarət alan sürücü və sərnişinlərin kimliyi dəqiqləşdirilir.
Faktla bağlı araşdırma aparılır.
Bakı şəhərinin Səbail rayonunda dənizdə, qeyri-çimərlik ərazidə 2 nəfərin çimərkən batıb.
Bu barədə məlumat FHN-in Böhran Vəziyyətlərində İdarəetmə Mərkəzinə daxil olub.
Dərhal hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri batan şəxslərin (şəxsiyyətləri dəqiqləşdirilir) meyitlərini sudan çıxararaq aidiyyəti üzrə təhvil veriblər.
İstanbulda keçirilən təkrar bələdiyyə seçkilərində qalib gəmiş CHP lideri Əkrəm İmamoğlunun qələbəsini qeyd etmək üçün yüzlərlə şəhər sakini küçələrə axışıb.
"Qafqazinfo" Türkiyə mətbuatına istinadən xəbər verir ki, sakinlər CHP namizədinin qalibiyyətini alqışlarla qarşılayıb. Onlar küçələrdə toplaşaraq, əllərində Türkiyə bayraqları tutublar.
Qeyd edək ki, Əkrəm İmamoğlu 54,3 % səslə əsas rəqibi Binəli Yıldırıma qalib gəlib.
Birləşmiş Millətlər Təşkilatının (BMT) Baş katibinin iqtisadi və sosial məsələlər üzrə müavini Liu Zenmin iyunun 24-dən 26-dək Azərbaycanda təşkil olunacaq BMT-nin Dövlət Xidmətləri Forumunda iştirak etmək məqsədilə ölkəmizdə rəsmi səfərdədir.
Qonaq iyunun 23-də “ASAN xidmət” mərkəzi ilə tanış olub.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev qonağa “ASAN xidmət” mərkəzlərinin fəaliyyəti və yeniliklər barədə ətraflı məlumat verib.
Bildirilib ki, bu günədək 30 milyona yaxın vətəndaş müraciəti qeydə alınıb, ”ASAN xidmət” BMT-nin 2015-ci il Dövlət Xidmətləri Mükafatına (United Nations Public Service Award 2015) layiq görülüb.
Qonaq, həmçinin "ASAN könüllüləri", "ASAN radio", “ASAN Təlim-Tədris Mərkəzi”, “ABAD”ın fəaliyyəti ilə də tanış olub.
Liu Zenmin Azərbaycan ilə BMT arasında uğurlu əməkdaşlığı və agentliyin bu əməkdaşlıqda xüsusi yer tutduğunu diqqətə çatdırıb.
Qeyd edək ki, dünyanın 190-dan çox ölkəsindən 500-dən artıq nümayəndənin iştirakı ilə nəzərdə tutulan builki forum dövlət xidmətlərinin göstərilməsi sahəsində ölkəmizdə təşkil olunacaq ilk BMT tədbiridir.
