 |
|
Fransada “Sarı jiletlilər”in etiraz aksiyalarının başlanmasından bu yana şirkətlərin məruz qaldığı itkilər səbəbindən 43 min insan işsiz qalıb.
Axar.az xəbər verir ki, bu barədə Fransanın İqtisadiyyat Nazirliyi informasiya yayıb.
İşsiz qalan bu insanlara görə dövlətə ümumilikdə 28 milyon avro zərər dəyib.
Xatırladaq ki, Fransada etirazlar səbəbindən 280 ticarət mərkəzinə ümumilikdə 2 milyard avro ziyan dəymişdi.
Yunanıstanın paytaxtı Afinada yerləşən Müqəddəs Dionisios kilsəsinin qarşısında partlayış baş verib.
Axar.az xəbər verir ki, bu barədə Yunanıstanın dövlət televiziyası informasiya yayıb.
Kilsənin qarşısında bombanın partladılması nəticəsində bir polis əməkdaşı yaralanıb. Hadisə yerinə təhlükəsizlik və təcili tibbi yardım briqadaları cəlb olunub.
Teraktla bağlı məsuliyyəti hələlik heç bir qruplaşma üzərinə götürməyib.
00:21
ABŞ Prezidenti Donald Tramp və xanımı gözlənilmədən İraqa sürpriz şəkildə səfər edib.
Axar.az xəbər verir ki, Tramp səfər çərçivəsində İraqdakı ABŞ əsgərləri ilə görüşüb.
Jurnalistlərin suallarını cavablandıran Tramp İraqdan geri çəkilmək planının olmadığını, buradan İŞİD-ə qarşı baza olaraq istifadə ediləcəyini deyib.
Tramp Suriyadan geri çəkilmə məsələsində bir çox insanın onun kimi düşünməyə başlayacağını qeyd edib.
Heyəti Təhriri-Şam (Keçmiş Nüsrə Cəbhəsi) girov saxladığı İŞİD-çiləri Türkiyəyə təhvil verməyə hazırlaşır.
Axar.az xəbər verir ki, bu barədə Livanın “Mayadin” telekanalı məlumat yayıb.
Bildirilib ki, həmin girovlar beynəlxalq axtarışda olanlar siyahısındadır.
Qeyd edək ki, Heyəti-Təhriri-Şam İdlibdə İŞİD-lə qarşıdurmada bir çox terrorçunu öldürüb, bir qismini isə girov götürüb.
İsrailin ədliyyə naziri daha öncə fələstinli anaların öldürülməsi çağırışını edən şəxsdir. Buna görə də belə bir ruhi azğınlıq içərisindədir.
Axar.az xəbər verir ki, bunu AKP sözçüsü Ömər Çelik İsrail Ədliyyə naziri Ayaled Şakedin YPG/PKK-nı qorumaq çağırışını şərh edərkən bildirib.
O qeyd edib ki, fələstinli anaların öldürülməsi çağırışını edən birinin PYD/YPG-ni bu şəkildə əziz tutması diqqət çəkir:
"Onun PYD/YPG-ni kürdlərin təmsilçisi kimi göstərməsi Suriyadakı kürd qardaşlarımıza də ən böyük böhtandır. Bu səbəbdən kürd qardaşlarımızın bu məsələdə reallığı daha aydın şəkildə görmələri üçün şərait yaranıb".
Qeyd edək ki, daha öncə İsrail Ədliyyə naziri Ayaled Şaked dünyaya çağırış edərək, YPG/PKK-nı Türkiyədən qorumağı istəyib.
Bu qədər məsuliyyətsiz, qeyri-ciddi partiya başqanı ola bilərmi? Netanyahu ilə simulyasiya edir, "Sən məni tənqid et, mən səni tənqid edim. Beləliklə, seçkilərdə qalib gələk", deyən biri siyasətdən kənara çıxıb.
Axar.az xəbər verir ki, bunu CHP başqanı Kamal Kılıçdaroğlunun Ərdoğan-Netanyahu arasındakı söz atışmasına münasibət bildirməsi barədə danışan AKP sözçüsü Ömər Çelik deyib.
"Artıq bu açıqlamalar siyasət elminin mövzusu olmaqdan çıxıb, bu, psixologiya məsələsidir. Bununla əlaqədar psixoloqlardan şərh almaq daha faydalı olar. Prezidentimiz Netanyahunun o insanları qətlə yetirməsinə qarşı ən güclü mövqe sərgiləyir", - Çelik qeyd edib.
.jpg)
ABŞ Rusiyanın sərhədlərinə strateji silahlar yerləşdirib.
Axar.az xəbər verir ki, bu sözləri Rusiya Hərbi-Dəniz Qüvvələri komandiri Vladimir Korolev deyib.
Korolev ABŞ və NATO ölkələrinin son zamanlar Rusiya sərhədlərinə yaxın ərazilərdə operativ fəaliyyətlərinin sayını artırdığını, ancaq Rusiya donanmasının yüzə yaxın döyüş gəmisindən ibarət olduğunu və hər cür təhdidi dəf edə biləcəyini deyib.
Rusiya və Pakistanın Əfqanıstanda ən qısa vaxtda siyasi həll prosesinin başlanılması və lazım olan şərtlərin yaradılması barədə ortaq maraqları var.
Türkiyə Silahlı Qüvvələr qərargahlarının birinə edilən kiber-hücumun qarşısı alınıb.
Axar.az xəbər verir ki, bu barədə məlumatı Türkiyə Prezidenti Rəcəb Tayyib Ərdoğan verib.
"Hazırladığımız "Ahtapot" proqramı bir qüvvə komandanlığı qərargahına kiber-hücum cəhdini uğurla əngəlləndi", - Ərdoğan qeyd edib.
Hələ də Şaxta babanın varlığına inanıram.
Axar.az xəbər verir ki, bunu ABŞ Prezidenti Donald Tramp 7 yaşlı qızın ona ünvanladığı "Hələ də Şaxta babaya inanırsınızmı?" sualına cavab verərkən bildirib.