 |
|
1994-2005-ci illərdə Ukrayna Prezidenti olmuş Leonid Kuçma Azərbaycan Respublikasının Prezidenti İlham Əliyevə məktub göndərib.
Axar.az məktubun mətnini təqdim edir:
“Əziz İlham Heydər oğlu.
Sizi doğum gününüz münasibətilə ürəkdən təbrik edirəm.
Sizin dövlət başçısı vəzifəsində səmərəli fəaliyyətiniz ən yüksək qiymətə layiqdir. Siz öz işinizdə yalnız müstəqil Azərbaycanın mənafelərini əsas götürürsünüz. Siz dövlətçiliyi möhkəmləndirir, ölkənizdə iqtisadi artım üzərində çalışır, innovasiyalı inkişafı təmin edirsiniz. Sizin rəhbərliyinizlə Azərbaycan regionda sabitliyə və sülhün möhkəmlənməsinə sanballı töhfə verir.
Ukrayna ilə Azərbaycan arasında çoxillik dostluğa və münasibətlərin möhkəmlənməsinə verdiyiniz şəxsi töhfəyə görə Sizə təşəkkür edirəm.
Hörmətli İlham Heydər oğlu, Sizə möhkəm cansağlığı, ailənizə firavanlıq, bütün işlərinizdə və təşəbbüslərinizdə yeni uğurlar arzulayıram”.
Tədqiqatçı Oleq Petrenko Azərbaycan və Ermənistana dair tarixi xəritə və faktlardan bəhs olunan araşdırmasının ikinci hissəsini Yutub kanalında paylaşıb.
Axar.az xəbər verir ki, bu dəfə tədqiqatçı daha qədim tarixə malik fakt və xəritələri araşdırıb.
Petrenko bildirib ki, Osmanlı İmperiyasının süqutunun başladığı vaxtlarda onun ərazisində “Qərbi Ermənistan Administrasiyası” kimi bir çox dövlətlər yaranıb.
“Beləliklə, yarı-müstəqil Ermənistan dövləti yalnız 1915-ci ildə yaranır. Rusiya qoşunları Qərbi Ermənistan Administrasiyasını tərk etdikdən sonra bu dövlət Azərbaycan və Gürcüstanın da daxil olduğu Zaqafqaziya Federativ Respublikasına çevrilir. ZFR bir aydan daha az mövcud oldu və dağıldı. Onun ərazisində Gürcüstan, Azərbaycan, Ermənistan dövlətləri yarandı”, - tədqiqatçı bildirib.
Petrenko 1705-ci ilə aid xəritədə fransız kartoqrafın onun araşdırdığı ölkələrin bütün bölgələrini ideal şəkildə təsvir etdiyini qeyd edib.
“Bu xəritədə Ermənistana yer verilməyib. Azərbaycan və İran Persiya bölgələri kimi qeyd olunub. Hətta daha sonrakı xəritələrdə də İrəvan, Şəki, Dərbənd, həmçinin Ararat dağları İran və Azərbaycan ərazisi olaraq göstərilir. 1847-ci ilə aid xəritədə isə Türkiyə və İran kimi dövlətlər göstərilib. Artıq bu xəritədə Azərbaycan İrandan ayrı şəkildə yenidən İrəvan və Ararat dağlarının da ərazilərinə daxil olduğu müstəqil dövlət kimi göstərilib”, - Petrenko bildirib.
Onun sözlərinə görə, 1862-ci ilə aid “Antik və yeni Persiya” kitabının 21-ci səhifəsində Azərbaycana aid xatırlatmaya rast gəlmək olar. Burada ölkənin əvvəllər Atropatena adlandırıldığı qeyd olunur.
“Öz növbəsində Suriya dilində Atropatena sözü məhz Azərbaycan kimi səslənir. Beləliklə, Manna və Atropatena kimi qədim sivilizasiyalar bizim eradan əvvəl birinci minillikdə Azərbaycan ərazisində yaradılıb”, - Petrenko deyib.
Qeyd edək ki, xəritədə açıq mənbələrdən əldə olunan rəsmi məlumat və beynəlxalq səviyyədə qəbul edilən dünya xəritələrindən istifadə olunub.
Xatırladaq ki, saytımızda yayımlanan ilk videoda Petrenko 1723-cü ilə aid xəritədə İrəvanın tamamilə Azərbaycan ərazisində göstərildiyini açıqlamışdı.
Rusiya ilə Belarus arasında münasibətlər başqa heç kimdə olmayan qədər yaxındır. Mövcud problemləri həll etmək olar. Ən yaxşısı isə köhnə problemləri yeni ilə daşımamaq üçün onları elə indi həll etməkdir.
Axar.az xəbər verir ki, bu sözləri Belarus Prezidenti Aleksandr Lukaşenko Rusiya Prezidenti Vladimir Putinlə görüşü zamanı deyib.
“Siz indicə dediniz ki, biz razılaşa bilərik. Mən demək istəyirəm ki, biz həqiqətən razılığa gələ bilərik. Çünki bizimlə burada olan komandalar artıq danışıqları bir neçə mərhələdə aparıblar. Onlar problemləri bilirlər. Elə biz də bu gün həll edilməsi nəzərdə tutulan problemlərə diqqət ayırmışıq. Bu problemlərin həll edilməsini və yeni ilə saxlanılmamasını istərdik. Çünki problemlərin növbəti ilə keçməsi yaxşı hal deyil”, - Lukaşenko bildirib.
İndoneziyanın Zond boğazı sahillərində baş vermiş sunami nəticəsində ölənlərin sayı 429-a çatıb.
Axar.az xəbər verir ki, bu barədə “Sinxua” agentliyi məlumat yayıb.
Hökumət axtarış-xilasetmə işlərinin hələ də aparıldığını bildirib.
Qeyd edək ki, dünən İndoneziya hökuməti374 nəfərin öldüyü bildirilmişdi.
Ermənistan İstintaq Komitəsinin Manvel Qriqoryanın Ermənistanı tərk edib Qarabağa gedəcəyini deməsi absurddur.
Axar.az xəbər verir ki, bunu jurnalistlərə açıqlamasında general Manvel Qriqoryanın vəkili Levon Baqdasaryan deyib.
“Deyirlər ki, azadlıqda qalaraq o, Ermənistanı tərk edəcək. Mən də onlara deyirəm ki, o, hara gedə bilər? Deyirlər ki, Manvel Qriqoryan Qarabağa gedəcək. Rəsmən bəyan edirlər ki, həbs qətimkan tədbirini dəyişə bilmərik. Səbəb kimi onun Qarabağa gedəcəyini deyirlər, Qarabağdan isə onun Ermənistana geri göndərilməsi üçün hüquqi mexanizmlərin olmadığını söyləyirlər”, – deyə o bildirib.
Qeyd edək ki, bundan öncə Manvel Qriqoryan sağlığında yaranan problemlərlə əlaqədar həbsdən azadlığa buraxılıb. Bundan sonra onun azadlığa buraxılmasına qarşı Eçmiədzin və İrəvanda mitinqlər başlayıb.
Manvel Qriqoryan azərbaycanlılara qarşı xüsusi qəddarlığı ilə seçilib. Qriqoryan həbs edildikdən sonra onun müxtəlif silah anbarları aşkarlanıb. Bu anbarlar təkcə Eçmiədzində yox, həm də Qarabağda müəyyən edilib.
Fəratın şərqinə tez bir zamanda girməyə qərarlıyıq.
Axar.az xəbər verir ki, bu sözləri Türkiyənin Xarici İşlər naziri Mövlud Çavuşoğu deyib.
“Menbiçdə gecikmə olduğunu ABŞ da qəbul edir. Bütün dünya eyni şeyi deyir, Türkiyə “Girəcəyəm” deyirsə, girəcək”, - Çavuşoğlu bildirib.
Katoliklərin yeni il axşamı (24 dekabr) bir gürcü qanunsuz şəkildə İtaliyanın Reco di Kalabriya şəhərindəki sirkdə çılpaq formada pələngin qəfəsinə daxil olub.
Axar.az xəbər verir ki, bu məlumatı Gürcüstanın “Birinci kanal”ı yayıb. Qəfəsə daxil olan gürcünün əlini pələng parçalayıb. Nəticədə o, huşsuz şəkildə xəstəxanaya çatdırılıb və əli amputasiya edilib. Bundan sonra özünə gələn gürcü xəstəxanadan qaçmağa cəhd etsə də, tibbi personal buna imkan verməyib və polisə məlumat verib.
İlkin məlumatlara görə, sirkdəki insident zamanı gürcü narkotikin təsirində olub.
ABŞ Prezidenti Donald Trampın özü etiraf edir ki, Amerikanın Yaxın Şərqdə hərbi əməliyyatları astronomik məbləğə – 6-7 trilyon dollara başa gəlib. Bu məbləğ hətta ABŞ kimi inkişaf etmiş bir ölkənin büdcəsi üçün belə çoxdur.
Bu sözləri Rusiya Elmlər Akademiyasının Təhlükəsizlik Araşdırmaları Mərkəzinin eksperti Konstantin Bloxin ABŞ-ın öz ordusunu Suriyadan çıxarması qərarının səbəbləri və doğuracağı nəticələr haqda Axar.az-a danışarkən deyib.
O bildirib ki, ABŞ rəhbərliyi diqqət və imkanlarını daha ciddi məsələlərə, ordunun yeni silahlarla təmin edilməsinə yönəltmək qərarındadır:
“Son zamanlar silahların təkmilləşməsi sahəsində amerikalılar öz rəqiblərindən geri qalmağa başlayır. Dünyada yeni və güclü rəqiblər meydana gəlməkdədir. Məsələn, ABŞ artıq hipersəs silah sahəsində Rusiya Federasiyasından geri qalır, Çin bir çox sahələrdə ABŞ-a meydan oxuyur.
İkincisi, Rusiyanın bilavasitə dəstəyi ilə Bəşər Əsəd rejimi kifayət qədər möhkəmlənib. Hazırki vəziyyətdə amerikalıların Suriyada möhkəmlənməsi və Əsədə təsir göstərə bilməsi olduqca çətinləşib.
Üçüncüsü, ABŞ Suriyada real güclə – Rusiya silahlı qüvvələri ilə üzləşdi. Burda olduqları zaman kəsiyində daim aralarında toqquşma təhlükəsi mövcud oldu. Bu səbəbdən, düşünürəm ki, ABŞ Əsədi devirmək fikrindən müvəqqəti olsa da, daşınıb”.
Rusiyalı ekspert bildirib ki, bu mənada Rusiya əsas faktordur. Əgər ABŞ Suriyanı tərk edərsə, o zaman potensial Karib körfəzi böhranı aradan qalxa bilər. Bununla da sözügedən iki ölkənin toqquşma ehtimalı müəyyən qədər azalar:
“Dördüncüsü, son zamanlar Tramp Adminstrasiyası narahat olmağa başlayıb. Zənnimcə, buna səbəb Türkiyənin müstəqil siyasət yürütməsidir. Türkiyə tamamilə ABŞ təsirindən çıxıb və bunu açıq şəkildə nümayiş etdirir. ABŞ Suriyadakı qüvvələrini bu ərazidən çıxarmaqla Türkiyəni öz nəzarəti altına qaytarmaq istəyir. Məntiqi baxımdan əgər ABŞ Suriyadakı qüvvələrini çıxaracaqsa, deməli, burada güc vakuumu yaranacaq. Və bu vakuumu Türkiyə doldurmalıdır. Amerikalılar öz müttəfiqi olan kürd silahlı birləşmələrindən üz çevirir. Bununla da Türkiyənin Suriyadakı məsələlərdə daha aktiv iştirakına şərait yaradır”.
Bloxin bildirib ki, ABŞ-ın yaxşı bacardığı işlərdən biri də başqalarının əli ilə öz istəklərini həyata keçirməkdir:
“ABŞ-ın istəyi Türkiyə və Rusiyanın Suriyada toqquşmasıdır. Burada hər şey Putin və Ərdoğanın siyasi uzaqgörənliyindən asılı olacaq.
Bir məsələni də qeyd edim ki, ABŞ-ın Suriyadan çıxması heç də İranda hakimiyyət dəyişmək istəyi planından əl çəkməsi kimi başa düşülməməlidir. ABŞ-ın müttəfiqləri - İsrail, Səudiyyə Ərəbistanı və s. İranı kifayət qədər sıxışdırmağa çalışacaq. Böyük ehtimalla, ABŞ-ın Suriyadan çıxması fasilə götürmək, qüvvələrini toplamaq və mübarizəyə yeni qüvvələrlə başlamaqdır”.
Xatırladaq ki, ABŞ Prezidenti Donald Tramp ölkəsinin qoşunlarının Suriyadan çıxarılması ilə bağlı göstəriş verib.
ABŞ Prezidenti Donald Tramp türkiyəli həmkarı Rəcəb Tayyib Ərdoğanla görüşməyə hazırdır, amma planlaşdırılmış bir tarix yoxdur.
Axar.az xəbər verir ki, bunu Ağ Evin mətbuat katibinin müavini Hoqan Hidli deyib.
“Hazırda konkret olaraq biz heç nə planlaşdırmırıq, amma prezident görüşə açıqdır”, - Hidli bildirib.
Qeyd edək ki, bir müddət öncə Türkiyə Prezidentinin sözçüsü İbrahim Qalın Ərdoğanın telefon danışığı zamanı Trampı Türkiyəyə dəvət etdiyini bildirmişdi. Tramp da bu dəvətə müsbət yanaşaraq 2019-cu ildə mütləq Türkiyəyə səfər edəcəyini açıqlamışdı.
Bir həftə ərzində ABŞ və Türkiyənin yüksək vəzifəli hərbçiləri görüş keçirəcək.
Axar.az xəbər verir ki, bunu jurnalistlərə açıqlamasında ABŞ Müdafiə Nazirliyinin rəsmi nümayəndəsi Hizer Babb deyib. Onun sözlərinə görə, görüşdə əsas müzakirə mövzusu Suriya və təhlükəsizlik məsələləri olacaq.
O, görüşlərin Türkiyədə baş tutacağını bildirib.