 |
|
Azərbaycan Ordusunda informasiya təhlükəsizliyi, eləcə də məxfilik qaydaları ilə bağlı mütəmadi olaraq şəxsi heyətlə maarifləndirici söhbətlər aparılır, iltizamnamələrə imza atılaraq bununla bağlı öhdəçilik götürürlər.
Bu barədə Müdafiə Nazirliyindən məlumat verilib.
Bu hərbi qulluqçulardan bəziləri Müdafiə Nazirliyi rəhbərliyinin müvafiq əmr və sərəncamlarına zidd hərəkətlərinə görə ordu sıralarından xaric edilib, digərləri barəsində isə ciddi intizam tədbirləri görülüb.
Ordu mənsublarına yaraşmayan hərəkətlərlə hərbi etika qaydalarını, eləcə də mobil telefonlardan istifadə zamanı nizamnamələrin tələblərini və müvafiq əmrləri kobud şəkildə pozan hərbi qulluqçular barəsində bundan sonra da ciddi tədbirlər görüləcəkdir.
Əlavə olaraq qeyd edək ki, qaydaların daha da sərtləşdirilməsi ilə bağlı qanunvericilikdə müvafiq dəyişikliklərin edilməsi üçün aidiyyəti üzrə yeni təkliflər hazırlanaraq təqdim edilib.
Azərbaycanın keçmiş təhsil naziri, türkoloq, filologiya elmləri doktoru, professor Firudin Cəlilov "Xankəndi" sözünün hallanarkən yanlış yazılışı və deyilişindən narazı olduğunu açıqlayıb.
Bu barədə professor İqtisadiyyat.az-a açıqlamasında bildirib.
"Xankəndi" sözünün ismin halları ilə yazılış forması var. Lakin bəzi jurnalistlər və televiziya aparıcıları "Xankəndinə" əvəzinə "Xankəndiyə" deyirlər. Eyni zamanda "Xankəndində" sözünü "Xankəndi də" sözü ilə əvəz edirlər. Yəni "n" hərfini yazmırlar. Həmin şəxslər sahib olduqları diplomu necə alıblar, bilmirəm. AMEA-nın Dilçilik İnstitutunun direktoru düzgün qaydasını izah edir, amma bunlar təkzib edirlər. Bu savadla hara gedilir?! Mən dəhşətə gəlirəm", - deyə Firudin Cəlilov etirazını bildirib.
Xatırladaq ki, "Xankəndi" sözünün hallanarkən yazılışı və deyilişi bir müddətdir müzakirə mövzusuna çevrilib. AMEA-nın müşaviri, akademik Möhsün Nağısoylu 2021-ci ildə Dilçilik İnstitutunun direktoru olan zaman "Xankəndi" sözünün ismin yönlük halında işlənməsi ilə bağlı öz mövqeyini açıqlayıb. O, sözügedən toponimin yönlük halda "n" bitişdirici samiti ilə işlənməli olduğunun düzgünlüyü diqqətə çatdırıb. Akademik həmçinin "Xankəndi" sözünün yerlik və çıxışlıq hallarında işləndikdə də "n" bitişdirici samitinin işlənməsinin məqsədəuyğunluğunu da söyləyib.
Amma sonradan Dövlət Dil Komissiyası yanında Monitorinq Mərkəzinin direktoru professor Sevinc Əliyeva isə bu sözün hallanarkən "Xankəndiyə", "Xankəndidə" yazılışının doğruluğunu isbat edib.
“1993-cü ilin avqust ayının 23-də Füzuli şəhəri və rayon ərazisinin böyük hissəsi Ermənistan silahlı qüvvələri tərəfindən işğal olundu. Rayon sakinləri təpədən-dırnağa kimi silahlanmış işğalçı erməni ordusu ilə doğma torpaqlarının müdafiəsi uğrunda apardıqları qeyri-bərabər savaşda acı məğlubiyyətə uğradılar. Füzulinin müdafiəçiləri həmin döyüşlərdə 663 nəfər şəhid verdilər. Daha 400 nəfərədək rayon sakini əlil oldu, 181 nəfər əsir və itkin düşdü. İşğaldan əvvəl tarixi-dini abidələrlə, xüsusən də türbələrlə zəngin olan Füzuli rayonu ərazisində həmin dövrdə 2 şəhər, 16 qəsəbə, 82 kənd və başqa yaşayış məntəqələri mövcud olmuşdur. İşğal dövründə erməni vandalları xalqımıza məxsus olan tarixi-mədəni irsin bütün bu nümunələrini talan edərək dağıdıblar.”Bu fikirləri mətbuata verdiyi açıqlamasında Milli Məclisin deputatı Kamaləddin Qafarov deyib.
Deputat bildirib ki, məhz Füzuli işğal dövründə ən çox dağıntılara məruz qalmış rayondur. “ Füzuli şəhəri ermənilər tərəfindən tamamilə yerlə-yeksan edilib. Rayon ərazisində bir dənə salamat kənd, bir dənə salamat bina qalmayıb. İşğal başa çatdıqdan sonra buraya gələn hər bir insan erməni vəhşiliyinin, erməni vandallığının şahidi olur. Təsadüfi deyil ki, ermənilər öz vəhşiliklərini gizlətmək üçün işğal dövründə buraya heç kimi, hətta beynəlxalq təşkilatların nümayəndələrini də buraxmırdılar.”
Deputat qeyd edib ki, Füzuli rayonunun azad olunması Vətən müharibəsinin gedişində əldə olunmuş strateji əhəmiyyətli mühüm qələbələrdən biri idi: “Füzulinin dörd kəndi II Qarabağ savaşının ilk günündə işğalçılardan təmizlənmişdi. 2020-ci ilin sentyabrın 27-də rayonun Qaraxanbəyli, Qərvənd, Kənd Horadiz, Yuxarı Əbdürrəhmanlı kəndləri azad olundu. Oktyabrın 17-də isə Azərbaycan Ordusu Füzuli şəhərini və daha bir neçə kəndi işğalçılardan azad etdi. Vətən müharibəsinin gedişində Füzuli şəhəri daxil olmaqla rayonun 62 yaşayış məntəqəsi işğaldan azad olunub. Bu ərazilərdə Azərbaycan bayrağı qaldırılıb və uzun fasilədən sonra Azərbaycan dövləti bu torpaqlarda öz suverenliyini təmin edib. Ölkə Prezidenti İlham Əliyev bu tarixi hadisəni xüsusi qiymətləndirərək 17 oktyabr gününün Azərbaycan xalqının çoxəsrlik tarixində xüsusi yer tutacağını bildirmişdir. Füzulinin azad olunması ilə Cəbrayıldan və Hadrutdan sonra üçüncü böyük yaşayış məntəqəsi işğalçılardan təmizləndi. Müharibə zamanı Füzulinin azad olunmasının çox böyük əhəmiyyəti var idi, çünki bu şəhərin strateji yerləşməsi xüsusilə əlverişlidir.”
Prezident İlham Əliyevin işğaldan azad edilmiş bölgələrə mütəmadi etdiyi səfərlərin xüsusi önəm kəsb etdiyini vurğulayan K.Qafarov bildirib ki, dövlət başçımızın hər belə səfəri bir sıra açılış və təməlqoyma mərasimləri ilə əlamətdar olur: “Dövlət başçımızın Füzuliyə etdiyi səfərlərin gedişində Füzuli-Şuşa avtomobil yolunun – Zəfər yolunun təməlqoyma mərasimi, Füzuli rayonunda hava limanının təməlinin qoyulması, Füzuli şəhərinin Baş planının təsdiqlənməsi, 180 çarpayılıq xəstəxananın təməlqoyma mərasimi, Dövlətyarlı kəndində “Ağıllı kənd”in təməlqoyma mərasimi, Füzuli şəhərində çoxmənzilli yaşayış məhəlləsinin və Peşə Liseyinin təməlqoyma mərasimləri kimi əhəmiyyətli tədbirlər keçirilib. Əlbəttə ki, bu tədbirlər arasında cəmi 8 ay ərzində inşa olunan və “Qarabağın hava qapısı” adlandırılan Füzuli Beynəlxalq Hava Limanının açılışı xüsusi əhəmiyyət kəsb edir. Açılış mərasimi 2021-ci ilin oktyabr ayının 26-da baş tutdu.”
Deputat belə bir məqamı da vurğulayıb ki, Füzuli uğrunda gedən döyüşlərdə Azərbaycan ilk Qələbəsini hələ 1994-cü ildə, Ulu Öndər Heydər Əliyevin rəhbərliyi altında əldə edib: “Füzulinin işğalından cəmi beş ay sonra, 1994-cü ilin 5 yanvar tarixində Ulu Öndər Heydər Əliyevin əmri ilə hücuma keçən Azərbaycan Silahlı Qüvvələrinin hərbi hissələri tərəfindən Füzuli rayonunun 22 yaşayış məntəqəsi işğaldan azad olunmuşdu. O zaman işğaldan azad edilmiş ərazilərdə rayon əhalisinin 50%-ə qədəri yaşayırdı. Bu, Füzuli uğrunda gedən döyüşlərdə Azərbaycanın, Azərbaycan Ordusunun ilk böyük qələbəsi idi. 2020-ci ilin 10 noyabr tarixində Azərbaycan ərazi bütövlüyünü bərpa etdi, bu il aprel ayının 23-də Ermənistanla sərhəddə Laçın sərhəd-keçid məntəqəsini yaratmaqla sərhədlərinə tam nəzarəti təmin etdi və nəhayət, sentyabrın 20-də bütün ölkə öz suverenliyinə qovuşdu” .
“Azərbaycan 2020-ci il sentyabr 27-də başladığı və Ali Baş Komandan İlham Əliyevin möhtəşəm hərbi strategiyası, Şanlı Ordumuzun şücaəti və xalqımızın dəyanəti sayəsində 44 günə tarixi Qələbə ilə başa vurduğu II Qarabağ savaşının nəticəsi olaraq öz torpaqlarının işğalına son qoydu. Həmin vaxt bəziləri hərbi əməliyyatların 10 noyabrda dayandırılmağını dəstəkləmir, Xocalıya, Xankəndiyə, Xocavəndə niyə girmədiyimizi dönə-dönə sual edir, bu məsələni qızğın müzakirə obyektinə çevirməyə çalışırdılar. Budur, Qələbəmizin üçüncü ili tamam olmamış Azərbaycan bayrağı artıq Qarabağın və Şərqi Zəngəzurun istisnasız bütün ərazilərində qürurla dalğalanır.”
Bu sözləri mətbuata açıqlamasında Milli Məclisin deputatı Kamaləddin Qafarov deyib.
Deputat bildirib ki, oktyabrın 15-də Ağdərə, Xocalı, Xankəndi, Xocavənd şəhərlərində, eləcə də bir çox digər ərazilərdə Azərbaycan Respublikasının Dövlət Bayrağını şəxsən qaldıran Prezident İlham Əliyev bir daha göstərdi ki, hər işi öz vaxtında görmək lazımdır.”Öz Prezidentinə sonsuz inamı və güvəni olan Azərbaycan xalqının böyük əksəriyyəti bu günün tezliklə gələcəyini bilirdi və bu tarixi gün gəldi. Azərbaycan xalqı İlham Əliyevə ilk dəfə 20 il bundan əvvəl etimad göstərərək Ulu Öndərimizin siyasi varisi kimi Ölkə Prezidenti seçdiyi gündən keçən müddət ərzində bu inam daim artmış və möhkəmlənmişdir. Bu gün isə, möhtərəm dövlət başçımız Azərbaycanın ərazi bütövlüyü və suverenliyi ilə bağlı artıq bütün məsələlərə son nöqtəni qoymaqla, bir daha isbat etdi ki, nəyi, necə, nə vaxt etmək lazımdır, onu cənab Prezident özü yaxşı bilir.”
K.Qafarov deyib: “Bu il Azərbaycanda, eləcə də bir sıra dost xarici ölkələrdə il boyu Ulu Öndər Heydər Əliyevin yüz illiyi təntənə ilə qeyd olunur. Cənab Prezident İlham Əliyevin oktyabrın 15-də Xankəndidə etdiyi tarixi çıxışında qeyd olunduğu kimi, bu gün Ümummilli Liderimizin də, Vətən uğrunda canlarını fəda etmiş bütün şəhidlərimizin də ruhları şaddır. Azərbaycan xalqı öz müdrik Prezidentinin və Müzəffər Ali Baş Komandanının rəhbərliyi ilə Ulu Öndərin ən böyük vəsiyyətinə əməl edərək düşməni torpaqlarımızdan qovdu, Qarabağı və Şərqi Zəngəzuru yenidən Azərbaycana qovuşdurdu. Keçmiş Dağlıq Qarabağ Muxtar Vilayəti 1923-cü ildə Azərbaycan torpağında heç bir tarixi, coğrafi və siyasi əsas olmadan yaradılmışdı. Bu da bir tarixi həqiqətdir ki, məhz 1969-1982-ci illər bütün sovet Azərbaycanı kimi, Qarabağın da ən sürətli inkişaf dövrü olub. Məhz Heydər Əliyevin Azərbaycana rəhbərlik etdiyi o illərdə Ulu Öndərimizin təşəbbüsü ilə regiona böyük investisiyalar qoyulmuşdu. Bölgənin, eləcə də kənd təsərrüfatının inkişafı üçün 1976-cı ildə Sərsəng su anbarı, Suqovuşan su anbarı inşa edilmişdi. Yenə də həmin illərdə Ağdamdan Xankəndiyə dəmir yolu çəkilmiş, burada ali məktəb yaradılmış, eləcə də Xankəndidə hazırda mövcud olan binaların mütləq əksəriyyəti məhz o dövrdə inşa edilmişdir. Heydər Əliyevin respublikaya rəhbərlik etdiyi həmin illərdə, eləcə də Ulu Öndərimizin Moskvada, artıq SSRİ-nin ən yüksək rəhbər vəzifələrinin birində çalışdığı dövrdə bütün Qarabağda insanlar sabitlik və əmin-amanlıq içərisində, mehriban qonşuluq münasibətləri şəraitində yaşayırdılar. Bu vəziyyət isə yalnız 1987-ci ildə Heydər Əliyev öz vəzifəsindən kənarlaşdırıldıqdan sonra kəskin şəkildə dəyişdi. Bu hadisədən iki həftə keçməmiş erməni millətçiləri məsələ qaldırdılar ki, Dağlıq Qarabağ Muxtar Vilayəti (keçmiş) Azərbaycandan ayrılaraq Ermənistana verilsin. Çox diqqətəlayiq haldır ki, Moskvada oturan erməni millətçisi tərəfindən qaldırılan bu məsələ məhz Fransanın bir qəzetində Avropa ictimaiyyətinə təqdim olundu. Bundan sonra erməni millətçiləri Xankəndini faktiki olaraq zəbt etdilər. Bu gün Azərbaycan Prezidentinin müqəddəs bayrağımızı qaldırdığı meydanda həmin illərdə ard-arda anti-Azərbaycan şüarları ilə mitinqlər keçirilirdi və bu, millətçiləri daha da ruhlandırırdı. Cəmi altı il Heydər Əliyevsiz qalmış Azərbaycanın başına bu müddət ərzində olmazın faciələr gəldi. Öz çıxışında cənab Prezident İlham Əliyev son dərəcə dəqiq vurğuladı ki, bu gün o tarixə qayıdarkən və həmin hadisələri təhlil edərkən bir daha görürük ki, heç bir şey təsadüfi olmayıb və faktiki olaraq baş verənlərə münasibətdə mahiyyət etibarı ilə heç nə dəyişməyib. Həmin ölkələr ki, 1992-1993-cü illərdə Ermənistanın yanında idi, erməniləri işğala təhrik edirdi, işğalı dəstəkləyirdi və onlara bəraət qazandırırdı, 30 il sonra da eyni ölkələr Ermənistanı yeni hərbi avantüralara təhrik edirlər. Lakin onlar fərqinə varmaq istəmirlər ki, bununla erməni xalqını daha böyük faciələrə sürükləyə bilərlər.”
K.Qafarov Azərbaycan xalqının ölkəmizi bugünkü zəfərlərə aparan yola məhz 1993-cü ildə qədəm qoyduğunu xüsusi vurğulayıb: “Azərbaycan xalqı 1993-cü ildə Ulu Öndər Heydər Əliyevi Ölkə Prezidenti seçməklə öz müdrikliyini bir daha göstərdi. Məhz həmin il xalqımız və dövlətimiz Azərbaycanı bugünkü qələbələrə gətirən yolda ilk və ən vacib addımını atdı. 1993-2003-cü illər ərzində ölkəmiz böyük inkişaf yolu keçdi. Son 20 il ərzində isə, bu inkişaf daha da sürətləndi. Bu illər ərzində Azərbaycan gücləndi və cənab Prezident İlham Əliyevin səyləri nəticəsində Ermənistan-Azərbaycan münaqişəsini həll etmək üçün güclü siyasi və hüquqi zəmin yaratdı. Azərbaycan güclü iqtisadiyyat yaratdı və bu iqtisadiyyatın sayəsində qüdrətli ordu quruculuğu işini uğurla həyata keçirdi. Cənab Ali Baş Komandanın rəhbərliyi ilə elə bir güclü ordu yaradıldı ki, bu gün Azərbaycan Silahlı Qüvvələri istənilən vəzifəni şərəflə yerinə yetirə bilər. Şanlı Ordumuz bunu döyüş meydanlarında sübut etdi. Üç il bundan əvvəl Vətən müharibəsi dövründə cəmi 44 gün ərzində düşmən kapitulyasiya aktına imza atmağa məcbur edildi. Keçən ay isə cəmi 23 saat davam edən antiterror əməliyyatı Azərbaycanın gücünü bir daha göstərdi və yenə də düşmən ağ bayraq qaldıraraq təslim oldu. Bununla da Azərbaycan bütün ölkə ərazisində tam suverenliyini bərpa etdi. Bu gün xalqımız haqlı olaraq ölkənin Silahlı Qüvvələri ilə fəxr edir. Möhtərəm dövlət başçımızın dediyi kimi, təkcə Azərbaycan vətəndaşları deyil, dünyada yaşayan on milyonlarla soydaşımız Azərbaycan əsgəri və zabiti ilə, Azərbaycan dövləti ilə haqlı olaraq fəxr edir. Çünki Azərbaycan xalqı elə bir Qələbə qazanıb ki, həm dillər əzbəri olub, həm də bu Qələbə əbədi bizimlə olacaq. Bizdən sonra gələn nəsillər də bu Qələbə ilə əbədi və haqlı olaraq fəxr edəcəklər”.
Bu gün daha 96 keçmiş məcburi köçkün Laçın şəhərinə yola düşüb
Oktyabrın 16-da növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb.
Bu mərhələdə Laçın şəhərinə daha 25 ailə – 96 nəfər köçürülür.
Köçürülən ailələr Laçın şəhərində vaxtilə yaşadıqları, işğala son qoyulduqdan sonra bərpa edilən və ya yenidən tikilən evlərdə məskunlaşacaqlar.
Bununla da Laçın şəhərində 247 ailə, yəni 1 050 nəfərin daimi məskunlaşması təmin edilib.
Oktyabrın 16-da azarkeşlər Azərbaycan-Avstriya matçının keçiriləcəyi stadiona gələrkən əsasən ictimai nəqliyyata üstünlük versinlər.
Yol-xeber.az xəbər verir ki, bunu Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib.
A.Əsgərli xatırladıb ki, oktyabrın 16-da AVRO-2024-ün seçmə mərhələsində Azərbaycanın futbol üzrə milli komandası Avstriya yığması ilə Bakıda, Tofiq Bəhramov adına Respublika stadionunda, saat 20:00-da qarşılaşacaq.
DYP rəsmisi qeyd edib ki, Tofiq Bəhramov adına Respublika stadionu ictimai nəqliyyat üçün əlverişlidir: "Ərazidə metronun “Gənclik” stansiyasının olması, avtobusların hərəkəti üçün tam şəraitin yaradılması bütün nəqliyyat ehtiyaclarını ödəyir. Komandamızın oyununa baxmağa gələn paytaxt sakinlərindən, azarkeşlərdən xahiş edirik ki, həmin ərazidə əsasən ictimai nəqliyyatdan istifadə etsinlər.
Nəzərə alaq ki, yollardakı hər hansı bir hərəkət sıxlığının yaranması həmin ərazidən istifadə edən vətəndaşlara maneçilik törədə bilər. Bu isə zərurət yarandığı təqdirdə Tofiq Bəhramov adına Respublika stadionuna paralel və kəsişən küçələrdə hərəkət istiqamətlərinin dəyişdirilməsinə və müvəqqəti bağlanmasına zərurət yarada bilər. Bir daha azarkeşlərdən əsasən ictimai nəqliyyata üstünlük verməyi və oyunun keçirildiyi əraziyə bir saat əvvəldən gəlməyi tövsiyə edirik”.
Bu gün növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb.
“Report” xəbər verir ki, bu mərhələdə Füzuli şəhərinə daha 28 ailə - 117 nəfər köçürülüb.
Köçürülən ailələr Füzuli şəhərində yenidən tikilən evlərdə məskunlaşacaqlar.
Bununla da Füzuli şəhərində 258 ailə, yəni 928 nəfərin daimi məskunlaşması təmin edilib.
Daxili İşlər Nazirliyi (DİN) və Azərbaycan Minatəmizləmə Agentliyi (ANAMA) bir daha vətəndaşları məsuliyyətli olmağa və təhlükəli ərazilərə daxil olmamağa çağırır.
DİN-dən verilən məlumata görə, çağırışda bildirilir ki, təhlükəli ərazilərdə hər bir addım ölümcül fəsadlar törədə bilər.
"Aşağıdakı tövsiyələrə riayət edərək mina təhlükəsi ilə mübarizə fəaliyyətinə dəstək olaq", - deyə vurğulanır:
• Təhlükəli və bələd olmadığınız ərazilərə daxil olmayın!
• Yalnız gündəlik işlək yollardan istifadə edin!
• Yolda və ya cığırda olan maneələrdən ehtiyatlı olun!
• Naməlum əşyalara toxunmayın!
• Özünüzü, ailənizi, yaxınlarınızı düşünün!
Xatırladaq ki, bu gün Füzuli rayonunun Aşağı Veysəlli kəndi ərazisində minalardan təmizlənməyən ərazidə mina partlayışı hadisəsi baş verib. Nəticədə "Qazel" markalı maşının sürücüsü - 1987-ci il təvəllüdlü Əbilov Famil İlyas oğlu həlak olub, "Kamaz" tipli yük maşınının sürücüsü - 2000-ci il təvəllüdlü Bayramov Namaz Nəbadi oğlu xəsarət alıb.
Qobustan şəhərində şəhid ailələri və müharibə əlillərinin yaşadığı 4 mərtəbəli, 16 mənzilli yaşayış binası əsaslı təmir ediləcək.
Təmir işlərini “Təchizat-24” MMC həyata keçirəcək.
Qobustan Rayon İcra Hakimiyyəti təmirlə bağlı şirkətə 24,406 min manat ödəniş edəcək.
"Prezident cənab İlham Əliyevin tapşırıqlarına uyğun olaraq aparılan sosial islahatların mühüm uğurlarından biri DOST konsepsiyasıdır. Birinci vitse-prezident Mehriban xanım Əliyevanın təşəbbüsü olan DOST konsepsiyası sosial sahələr üzrə 159 xidmətin "bir pəncərə"dən, operativ, şəffaf, müasir, innovativ əsasda təqdim olunmasını, nəticə etibarilə dövlət sosial xidmətlərinin vətəndaş rahatlığı və məmnunluğuna uyğun göstərilməsini təmin edir. Ölkə Prezidentinin fərmanı ilə 2019-cu ilin may ayında DOST Agentliyi və bundan sonra Bakı şəhəri, Abşeron və Bərdə rayonlarında olmaqla 7 DOST mərkəzi açılıb".
İqtisadiyyat.az-ın əldə etdiyi məlumata görə, bu sözləri əmək və əhalinin sosial müdafiəsi naziri Sahil Babayev bildirib.
Nazirin sözlərinə görə, artıq 1,8 milyon vətəndaşa DOST xidməti göstərilib və bu xidmətlərdən vətəndaş məmnunluğu 98,2 faizdir.
S.Babayev xatırladıb ki, işğaldan azad edilmiş bölgələrimizdə də DOST xidmətləri qurulur və başlanğıc kimi 2022-ci ilin may ayında Zəngilan rayonunun Ağalı kəndində ilk "Smart DOST" xidmət məntəqəsi açıldı: "Bu il avqustun 7-də isə Prezident cənab İlham Əliyevin iştirakı ilə Bərdədə Qarabağ Regional DOST Mərkəzi açıldı ki, bu mərkəz ölkəmizin Qarabağ iqtisadi rayonu üzrə 9 şəhər və rayonun (Xankəndi, Ağcabədi, Ağdam, Bərdə, Füzuli, Xocalı, Xocavənd, Şuşa və Tərtər) sakinlərinə xidmət edir".