 |
|
Belarus Gürcüstanla əməkdaşlığı gücləndirmək niyyətindədir.
Axar.az xəbər verir ki, bu sözlər Belarus Prezidenti Aleksandr Lukaşenkonun Gürcüstan Prezidenti Salome Zurabişviliyə iki ölkə arasında diplomatik münasibətlərin 25 illiyi münasibətiylə göndərdiyi məktubda yer alıb.
“Belarus bundan sonra da Gürcüstanla xalqların rifahı üçün siyasi, ticari-iqtisadi və humanitar əlaqələri gücləndirmək niyyətindədir. Dövlətlərarası əlaqələrin aktiv və hərtərəfli davam etdirilməsi yeni perspektivli müştərək layihələrin reallaşdırılmasına səbəb olacaq” – deyə o bildirib.
Sudan çoxdan hədəfdədir və ona qarşı 21 ildir iqtisadi müharibə aparılır.
Axar.az xəbər verir ki, bunu Sudan Prezidenti Ömər Bəşir deyib.
"Bundan sonra da ölkənin suverenliyi və müstəqilliyini dollarlara qurban vermək niyyətində deyiləm. Ölkəni bürüyən etirazlar məni narahat edir", - Bəşir qeyd edib.
Qeyd edək ki, Ömər Bəşir 1989-cu ildən Sudan prezidenti vəzifəsini icra edir.
İngiltərədə “Sarı jiletlilər” parlament binasına hücum edib.
Axar.az xəbər verir ki, 100 nəfərdən ibarət etirazçı qrup parlament binasına daxil olmağa çalışsa da, İngiltərə polisi onları dayandırıb.
İngiltərə polisi 13 yaşlı qız uşağı da daxil olmaqla, ümumilikdə 4 nəfərin saxlanıldığını açıqlayıb.
Qeyd edək ki, Fransada benzinin bahalaşmasına qarşı başlayan “Sarı jiletlilər” aksiyası bir sıra Avropa ölkələrinə də yayılıb.
Türkiyə hökuməti İŞİD-in nəzarətindən azad edilmiş ərazilərin idarəsiylə məşğul olacaq.
Axar.az xəbər verir ki, bu barədə “Vaşinqton Post” qəzeti məlumat yayıb.
Bildirilib ki, ABŞ-la Türkiyə arasında bu razılıq 14 dekabrda Ərdoğanla Trampın telefon danışığı zamanı əldə olunub. Razılığa əsasən, Türkiyə İŞİD-lə Suriyada mübarizəyə görə məsuliyyəti üzərinə götürməli və terror təşkilatından azad edilən ərazilərin idarəsiylə məşğul olmalıdır:
“Ankara istəyir ki, Vaşinqton Suriyada kürd hərbi birliklərini silahsızlaşdırsın. Türkiyə həmçinin ABŞ-dan istəyir ki, türk hərbçilərinə və Suriya müxalifətinə aviasiya və maddi-texniki dəstək verilsin”.
Türkiyənin şimal-qərbində yerləşən Bursa vilayətində zəlzələ baş verib.
Axar.az xəbər verir ki, zəlzələ səhər saatlarında qeydə alınıb.
Zəlzə Rixter cədvəli ilə 4,1 bal gücündə olub. Yeraltı təkan yerin 18,3 kilometr dərinliyində qeydə alınıb.
İtki və dağıntı barədə heç bir məlumat verilməyib.
ABŞ Prezidenti Donald Trampın Rusiya Prezidenti Vladimir Putinlə münasibəti çox təhlükəlidir.
Axar.az xəbər verir ki, bunu MSNBC televiziyasında çıxışı zamanı ABŞ Nümayəndələr Palatasının rəhbəri Nensi Pelosi deyib.
Pelosi çıxışı zamanı Putini “qanqster” adlandıraraq, Trampın onunla münasibətlərinin qorxulu olduğunu deyib.
Qeyd edək ki, Pelosi 2019-2020-ci illər üçün Nümayəndələr Palatasının spikeri seçilib. O bundan öncə bu vəzifəni 2007—2011-ci illərdə icra edib. Bununla belə Pelosi 2003-cü ildən demokratların Nümayəndələr Palatasında lideri vəzifəsini icra edir.
Qazaxıstanın Semey şəhərində bir qrup yerli sakin azərbaycanlılara məxsus "Bakı" kafesini gəlib və iaşə obyektinin işçilərini Karaqandada öldürülən qazaxın intiqamı anlamında ölümlə hədələyiblər.
Virtualaz.org xəbər verir ki, Qazaxıstanda üç erməni Karaqanda şəhərində restoranın yaxınlığında 23 yaşlı gəncin ölümündə ittiham olunurlar. Karaqanda vilayətinin polis departamenti şübhəlilərin fotoşəkillərini və anket məlumatlarını yayıb. Yerli məhkəmə onlarn həbsi barədə qərar qəbul edib.
Karaqanda Prokurorluğunda kütləvi davanın millətlərarası ədavətdən yaranmadığını bildiriblər və yalan məlumatlara inanmamağa çağırıbar.
Qazaxıstanlı politoloq Arsen Sarsekov öz bloqunda yazıb ki, kifayət qədər yaşlı kişilər Semeydə azərbaycanlıların "Bakı" kafesinə gələrək qazaxı öldürmüş ermənilərə görə haqq-hesab çəkmək istəyiblər. Oradan isə Azərbaycanın bayrağı asılıb.
Bu adamlar hələ bilmirlər ki, Bakı Azərbaycanın – Ermənistanın düşməninin paytaxtıdır. Azərbaycan bayrağının erməni bayrağından nə ilə seçilməsindən də xəbərləri yoxdur. Din barəsində isə heç danışmağa dəyməz...”
Diqqət! Təqdim olunan videoda senzuradan kənar ifadələr işlənir.
Ermənistanın Rusiyanın qarmağından çıxmaq kimi bir imkanı yoxdur.
Bu sözləri Axar.az-a açıqlamasında politoloq, millət vəkili Rasim Musabəyov deyib. Deputat son günlər ekspert dairələrində Ermənistanın Rusiya ilə əlaqələri bərpa etməyə çalışması barədə gedən müzakirələrlə razılaşmayıb:
“Ümumiyyətlə, Ermənistan Rusiyadan qopmayıb ki, ona da geri qayıtsın. Sadəcə olaraq, Ermənistanda hakimiyyətə qərbpərəst qüvvələr gəlib. Ancaq heç nə Ermənistanın Rusiyanın forpostu olması reallığını dəyişdirə bilməz. Ermənistan Azərbaycan və Türkiyə ilə düşmənçilik siyasətini davam etdirənə qədər Rusiyanın qarmağından çıxa bilməyəcək”.
Astana prosesi çərçivəsində İran və Türkiyə arasında əldə edilən razılaşma Suriyadakı gərginliyi azaldıb.
Axar.az xəbər verir ki, bu sözləri İran Xarici İşlər naziri Məhəmməd Cavad Zərif deyib.
Nazir dünyada bir supergüc olması anlayışının da yanlış olduğunu ifadə edib:
“Astana prosesində İran və Türkiyənin rolu Suriyada gərginliyin get-gedə azalmasına səbəb oldu. Bu ölkə təhlükəsizliyə qədəm qoydu”.
"Şimali axını 2" qaz kəməri layihəsi Rusiya əleyhinə olan sanksiyaların təsirini yox etdi və Ukraynanın "qatil"i oldu.
Axar.az xəbər verir ki, bunu Polşa Xarici İşlər naziri Yaçek Çaputoviç deyib.
Çaputoviç Avropanın sözügedən layihəyə son verməsinin lazım olduğunu deyib:
"Şimal axını 2" Ukraynanı öldürür. Əgər Rusiyanın Ukrayna ərazisindən qaz tranziti azalarsa, bu ölkə sadəcə əhəmiyyətli bir gəlirini itirməyəcək, həm də gələcəkdə Rusiyanın hücumlarından siğortalanması mümkünsüz olacaq".