 |
|
Polşanın Koşalin şəhərində oyun zalında baş verən yanğın zamanı 5 nəfər ölüb.
Axar.az xəbər verir ki, bu barədə RİA məlumat yayıb.
Pilsudski küçəsində yerləşən zalda qeydə alınan olay zamanı bir nəfərin də ağır yaralandığı deyilib.
Yanğının səbəbləri məlum deyil, araşdırma aparılır.
Avropa Şurasının rəhbəri Donald Tusk Polşanın yox, Almaniyanın nümayəndəsidir.
Axar.az xəbər verir ki, bunu “Polska Times” qəzetinə müsahibəsində Polşa Xarici İşlər naziri Yaçek Çaputoviç deyib.
“Biz Donald Tuskun legitimliyini şübhə altına qoymuruq, lakin onu Polşanın nümayəndəsi hesab etmirik. Avropa Şurasına seçki zamanı biz Yaçek Sariuş Volskinin namizədliyini irəli sürdük. Avropa Şurasına seçkidən bir neçə saat öncə Tuskun seçilməsini Angela Merkel Almaniya parlamentində çıxışı zamanı söylədi. Bundan belə nəticə çıxır ki, o, qeyri-rəsmi də olsa, Almaniyanın nümayəndəsidir”, – deyə o bildirib.
.jpg)
ABŞ qoşunlarının Suriyadan tamamilə çıxacağı dəqiq vaxt məlum deyil.
Axar.az xəbər verir ki, bu barədə ABŞ Dövlət Departamentinin açıqlamasında deyilib.
“Hərbçilərin Suriyada uzun müddət qalıb-qalmayacağı bəlli deyil. Bizim hər hansı müddətimiz yoxdur. Prezident ordunun geri çağırılması ilə bağlı qərar verdi. Bu qərar müttəfiqlərimiz, partnyorlarımızla müzakirə ediləcək”, - deyə bəyanatda bildirilib.
ABŞ və Çin arasında son vaxtlar yaranan vəziyyət o səviyyədədir ki, hər iki ölkənin siyasi rəhbərliyi proseslərin daha qaynar fazaya keçməməsi üçün mövcud ticarət müharibəsini dayandırmağa məcburdur.
Bu sözləri Axar.az-a açıqlamasında beynəlxalq əlaqələr üzrə ekspert Elşən Mustafayev deyib. O bildirib ki, ABŞ və Çin münasibətlərindəki gərginlik iki ölkə arasında hərbi strateji maraqlardan qaynaqlanmır:
“Son vaxtlara qədər Çin və ABŞ hərbçiləri arasında geniş əlaqələr, mütəmadi görüşlər adi hal almışdı. Çin bütün hərbi sənayesini müdafiə xətti üzrə inkişaf etdirməklə ABŞ üçün hansısa təhlükə törətmir. Mərkəzi Asiya və Sakit okean hövzəsində öz mövqelərini genişləndirməyə çalışması da məhz bu siyasətə xidmət edir. Son vaxtlar Trampın Çinlə əməkdaşlıqla bağlı fikirləri iki ölkənin hərbi qarşıdurma həddində olmadığnı göstərir. Vaşinqtonun Yaponiyada reaktiv raket sistemləri yerləşdirə biləcəyi ilə bağlı yayılan məlumatların Çini elə də narahat etdiyini düşünmürəm. Çünki bu sistemlər Cənubi Koreyada mövcuddur və bu ölkə Çinə Yaponiyadan daha yaxındır. ABŞ mətbuatında ABŞ Müdafiə nazirinin səlahiyyətlərinin müvəqqəti icraçısı Patrik Şanaxanın qapalı iclasda Pentaqonun əsas prioritetinin Çin olacağı ilə bağlı ifadələr işlətdiyi bildirilib. Amma yayılan məlumatların doğru olub-olmaması məlum deyil. Anonim mənbəyə istinad etməklə birmənalı ittiham etmək doğru olmaz. Digər tərəfdən, ABŞ rəsmiləri bu məlumatı inkar edir”.
Ekspert vurğulayıb ki, amma bütün bunlar ABŞ-la Çin arasında hər şeyin qaydasında olmasını deməyə əsas vermir:
“İki ölkə arasında ticarət sahəsində cox ciddi problemlər var. Bunun da əsas səbəbini transmilli kampaniyalarda axtarmaq lazımdır. Bildiyimiz kimi, son illər Çin şirkətləri texnologiya sahəsində çox irəli gedib və bu sahədə məşhur dünya brendləri ilə qarşıdurmaya səbəb olan ciddi rəqabət yaradıb. Keçən ilin dekabrında güclənən bu qarşıdurma ticarət müharibəsinə gətirib çıxarıb. Çinin yüksək texnologiyalar sahəsində nəhəng “Huavey” texnologiya şirkətinin sahibi Ren Zenqfeyin qızı Menq Vanzhounun həbs olunması bu qarşıdurmanı daha dərinləşdirib. Hazırda bu həbsə etiraz olaraq Çində ABŞ və Kanada mallarına, xüsusən də Əpl (Apple) məhsullarına qarşı kütləvi kampaniya başlayıb. Ən əsası bu kampaniya dövlət tərəfindən dəstəklənir”.
Ekspert bildirib ki, amma hər iki dövlət rəsmiləri tərəfindən verilən bəyanatlar, açıqlamalar münasibətlərin korlanmayacağını, əksinə, inkişaf edəcəyini göstərir.
Gürcüstanda ərzaq və digər gündəlik tələbat mallarının qiyməti artmaqda davam edir.
Azərtac xəbər verir ki, 2018-ci ilin dekabr ayında Gürcüstanda çörək və çörək məmulatlarının qiyməti 5,9 faiz bahalaşıb. Bununla yanaşı, digər ərzaq məhsulları və alkoqolsuz içkilərin qiyməti 2,3 faiz, meyvə-tərəvəzin qiyməti 5,6 faiz, süd, pendir və yumurtanın qiyməti 2,8 faiz, balığın qiyməti 2,4 faiz, meyvə və üzümün qiyməti isə 1,7 faiz artıb.
Gürcüstan Milli Statistika İdarəsinin məlumatına görə, ölkədə yağın qiymətində 1,6 faiz, kofe, çayın qiymətində isə 1 faiz ucuzlaşma qeydə alınıb.
FETÖ şəbəkəsi ilə bağlı aparılan istintaq tədbirləri çərçivəsində Türkiyə Milli Kəşfiyyat Təşkilatı tərəfindən Azərbaycanda yaxalanan Məhməd Gələn adlı müəllim barəsində məhkəmə həbs qərarı elan edib.
Axar.az xəbər verir ki, bu barədə “Yeniakit.com.tr” məlumat yayıb.
Xatırladaq ki, Türkiyə Prezidenti Rəcəb Tayyib Ərdoğan M.Gələnin həbsindən bir gün öncə "Bakıdan müjdə var" cümləsini işlədərək adıçəkilən FETÖ-çunun yaxalanmasına işarə etmişdi.
İraqın paytaxtı Bağdadda islah əmək düşərgəsində baş verən yanğın nəticəsində 6 qadın ölüb.
Axar.az xəbər verir ki, bu barədə “Əl Surmariyə” telekanalı məlumat yayıb.
Yanğının kütləvi dava səbəbindən baş verdiyi bildirilib.
Olayla bağlı araşdırmalara başlanılıb.
Demokratlar Nümayəndələr Palatasında, yaxud Senatda üstünlüyü əldə edərsə maliyyə bazarlarında qarışıqlıq yaranacaq.
Axar.az xəbər verir ki, bu sözləri ABŞ Prezidenti Donald Tramp tvitter hesabında yazıb.
“Senatı biz aldıq, Nümayəndələr Palatasını isə onlar... Vəziyyət stabilləşəcək. 2020-ci ildə məğlub olacaqlarını bildikləri üçün haqqımda təhqiqat başlatmaq istəyirlər”, - deyə dövlət başçısı bildirib.
Ermənistan və Azərbaycan xarici işlər nazirlərinin növbəti görüşündə Dağlıq Qarabağ məsələsinin tənzimlənməsi istiqamətində müsbət irəliləyiş gözlənilmir.
Bu sözləri Axar.az-a Azərbaycan və Ermənistan xarici işlər nazirlərinin yanvarda gözlənilən görüşünü şərh edən politoloq Arzu Nağıyev deyib. Ekspert Ermənistanın ümumiyyətlə sülh danışıqlarına hazır olmadığını bildirib:
“Son zamanlar Ermənistanın baş nazir əvəzi Nikol Paşinyan və Xarici İşlər naziri Zöhrab Mnatsakanyan qondarma rejimin rəhbərliyi ilə mütəmadi olaraq görüşlər keçirir, Ermənistanı “dqr”in təhlükəsizliyinə tam təminat verən bir dövlət kimi təqdim edirlər. Əslində, işğalçı bununla bir tərəfdən qondarma “dqr”dən əl çəkməyəcəyinə dair Rusiyaya eyham vurur, digər tərəfdən isə Qərbə yarınmağa çalışır. Bu, İrəvanın Qərblə Rusiya arasında müəyyən bir siyasi gedişi də ola bilər. Bu baxımdan da nazirlərin növbəti görüşündə Dağlıq Qarabağ məsələsinin tənzimlənməsi istiqamətində hər hansı bir müsbət tendensiya baş verməyəcək”.
Politoloq 2019-cu ildə problemin həllinə dair ilk görüşlə bağlı bədbinliyini başqa bir səbəblə də əlaqələndirib:
“Ermənistanın yeni hökuməti vəzifə bölgüsünə gedir və məlum məsələdir ki, hakimiyyəti idarə etmək heç də dövləti idarə etmək demək deyil. Bu fonda Dağlıq Qarabağ amili mühüm bir kart olaraq qalacaq. Ancaq bir məqamı da xüsusilə vurğulamaq lazımdır. Əgər Paşinyan bu qışdan başını tam sağlam çıxara bilsə, hakimiyyətdə müəyyən qədər qala biləcək. Əks halda yazda Ermənistanda başqa proseslər başlayacaq”.
Gürcüstan parlamentinin deputatı David Çiçinadze Vətənpərvərlər Alyansı Fraksiyasını yaz sessiyasının başlanmasından sonra tərk etmək niyyətindədir.
Axar.az xəbər verir ki, bunu jurnalistlərə açıqlamasında Çiçinadzenin özü deyib.
“Əvvəldən razılaşdırılmışdı ki, mən fraksiyaya müvəqqəti əsaslarla daxil oluram. Yaz sesiyası başlayandan sonra Vətənpərvərlər Alyansı Fraksiyasından çıxacağam”, – deyə o bildirib.
Qeyd edək ki, Çiçinadze iki ay əvvəl fraksiyanın altıncı üzvü olaraq, onun ləğvinin qarşısını alıb. Əgər fraksiya Çiçinadzenin çıxışından sonra özünə yeni üzv tapa bilməsə, o zaman dağılmalı olacaq.
Vətənpərvərlər Alyansı rusiyayönlü siyasətin tərəfdarıdır.