 |
|
2018.12.21, 22:54
Ermənistanın Eçmiədzin şəhərində səhər saatlarından etibarən etiraz aksiyaları start götürüb.
Axar.az xəbər verir ki, buna səbəb general Manvel Qriqoryanın həbsdən azad edilməsi olub. Etirazçılar Eçmiədzinin mərkəzi yollarını bağlayaraq, Qriqoryanın təcili həbsə göndərilməsini tələb ediblər.
Qeyd edək ki, Qarabağ müharibəsinin ən amansız simalarından biri olan və çoxlu sayda azərbaycanlının ölümündə təqsirkar olan Manvel Qriqoryan dünən 25 milyon dram qarşılığında həbsdən azadlığa buraxılıb.
Eçmiədzin Serj Sərkisyanın dövründə Qriqoryanın “mənzil qərargahı” funksiyasını yerinə yetirib. Onun oğlu və əsas aktivləri məhz bu şəhərdə cəmləşib.
ABŞ Prezidenti Donald Trampın Suriyadan qoşunlarını çıxartması və Türkiyəyə “Patriot” raketlərinin tədarükünə izn verməsi Türkiyə Prezidenti Rəcəb Tayyib Ərdoğan üçün xoş xəbərdir. ABŞ ordusunun Suriyadan çıxarılmasından sonra Türkiyə Suriyanın şimal-şərqindəki kürd dəstələrinə qarşı hücuma keçə bilər.
Axar.az xəbər verir ki, bu iddia ilə “Blumberq” agentliyi çıxış edib. İddiaya görə, ABŞ ordusunun Suriyadan çıxarılmasından sonra Türkiyənin regional oyunçularla Suriyaya təsirlə bağlı apardığı üçtərəfli rəqabət çərçivəsində mövqeləri zəifləyə bilər:
“Rusiya və İran Ərdoğanın istədiklərinə qarşıdırlar. Vaşinqtonun Ankaraya “Patriot” raketlərini təqdim etməyə razılıq verməsi, Türkiyəni ABŞ və Rusiya raket sistemləri arasında seçim etməyə məcbur edir. Ankara bu raket sistemlərindən birinə "yox" deyəcəyi təqdirdə neqativ nəticələrlə üz-üzə qala bilər. ABŞ hərbçilərinin bölgədən gedişi Suriya kürdlərinin mövqelərini həqiqətən zəiflədəcək, amma bu, Türkiyənin kürdlər üzərinə hücumunun uğurlu olacağına da zəmanət vermir”.
Agentliyə açıqlama verən Yaxın Şərqin Demokratikləşməsi Layihəsinin elmi əməkdaşı Hovard Eyssenstat Türkiyənin YPG-nin Suriyada tam ləğv etmək gücündə olduğunu, amma bu qruplaşmanın yenidən qeyri-ənənəvi döyüş metodlarından istifadəyə başlamasının ona müəyyən zərər yetirəcəyini bildirib:
“Afrin əməliyyatı göstərdi ki, qiyam böyük nizami ordunun iştirakıyla ənənəvi konfliktə daxil olanda qiyamçılar uduzurlar. Lakin PKK hər zaman qeyri-ənənəvi müharibə tətbiqinə qayıda bilər. Tarix göstərir ki, türk ordusuna qələbə rahatlıqla verilməyəcək. Bununla bərabər Türkiyə iqtisadiyyatında ağır situasiya, borclar və inflyasiya səviyyəsinin artması Ankaranın burada uzun müddətli əməliyyatlar aparmasına və ya müharibədən sonrakı milli quruculuq işlərində iştirakına imkan verməyə bilər”.
Türkiyə parlamentinin keçmiş deputatı, Oksford Universitetinin Yaxın Şərq Mərkəzinin əməkdaşı Suat Qınıqlıoğlu isə regional oyunçuların Türkiyənin Suriyanın şimal-şərqinə hücumuna asanlıqla izn verəcəklərinə inanmadığını deyib:
“Rusiya və İran Türkiyənin Suriyada nəzarət etdiyi bölgələrin sayını artırmasında maraqlı deyil. Onlar çalışır ki, bütün Suriya ərazisini Əsədin tabeliyinə qaytarsınlar. Bununla belə Türkiyə və ABŞ israr edir ki, Əsəd hakimiyyətdən getsin. Amerikanın bölgədən çıxması Moskva və Tehranın özünü daha əmin hiss etməsinə şərait yaradacaq”.
Belarus Prezidenti Aleksandr Lukaşenko dekabrın 25-də Moskvaya səfər edəcək.
Axar.az xəbər verir ki, bunu TASS agentliyinə açıqlamasında Belarus Prezidentinin Mətbuat katibi Natalya Eysmont deyib. O, Lukaşenkonun Moskvada Rusiya Prezidenti Vladimir Putinlə görüşəcəyini bildirib.
Qeyd edək ki, bundan öncə Rusiya Prezidenti Vladimir Putin Ermənistanın baş nazir əvəzi Nikol Paşinyanın gələn həftə Rusiyaya gələcəyini açıqlamışdı. Sonradan Rusiya mətbuatı səfərin 27 dekabrda baş tutacağı haqqında məlumat yaydı.
Fəratın şərqində terrorçuları məhv etməyimizə heç kim əngəl ola bilməz.
Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu Fərat çayının şərqində keçiriləcək hərbi əməliyyatların təxirə salınması ilə bağlı danışarkən deyib. O, bəzi PKK nümayəndələrinin bir sıra Qərb ölkələri ilə təmasda olması barədə deyilənlərə də cavab verib:
“Əgər bu görüşlərin məqsədi ABŞ çəkildikdən sonra YPG və PKK-nı qorumaq üçündürsə, bunu unutmasınlar ki, "Fərat qalxanı" ilə 4 mindən çox İŞİD üzvünü necə zərərsizləşdirdiksə və heç kim Afrin hərbi əməliyyatlarını qarşısını ala bilmədisə, Fəratın şərqini də terrorçulardan təmizləməyimizə əngəl törədə bilməyəcəklər”.
Qeyd edək ki, ABŞ Prezidenti Donald Tramp bundan əvvəl ABŞ qoşunlarının Suriyadan tam çıxarılması barədə göstəriş verib. Ağ Ev rəsmilərinin sözlərinə görə, sayı 2 minə yaxın olan amerikalı hərbçilərin ölkədən çıxarılmasına 60-100 gün vaxt lazım gələcək.
İran İslam İnqilabı Keşikçilər Korpusunun Quru Qoşunları Hörmüz boğazında yerləşən Keşm adasının sahil zonasında təlim keçir.
Axar.az xəbər verir ki, bu barədə Press TV məlumat yayıb.
Keşm adasında baş tutan təlim hər il keçirilən “Böyük peyğəmbər” təliminin son mərhələsidir.
Qeyd edək ki, bundan öncə “Assoşeyted Press” ABŞ-ın təyyarədaşıyan gəmisi “Con Stennis”in Hörmüz boğazına girən zaman İranın raket gəmilərinin onun yaxınlığından sahil zonasına raket buraxdığı, daha sonra havaya dron qaldırdıqları haqqında məlumat yayıb.
FETÖ şəbəkəsinin mövqeyi və ideologiyası ona hər yerdə yayılmağa şərait yaradır.
Orada MHP-dən biri o şəkildə çıxış etsəydi, "otur yerinə" deyərdim.
Axar.az xəbər verir ki, bunu MHP lideri Dövlət Baxçalı CHP millət vəkili Əbdüllətif Şənərin parlamentdə büdcə ilə bağlı çıxışına münasibət bildirərkən deyib.
Baxçalı Şənərin CHP-ni heçə sayan çıxış etdiyini və sözügedən çıxış barədə CHP-nin dəyərləndirmə aparmasının lazım olduğunu deyib.
ABŞ-ın nüvə razılaşmasından çıxmasından sonra təyyarədaşıyan gəmisi Con Stennis ilk dəfə Fars körfəzinə daxil olub.
Axar.az xəbər verir ki, bu barədə “Assoşeyted Press” agentliyi məlumat yayıb.
İran İslam İnqilabı Keşikçilər Korpusunun gəmiləri onun Fars körfəzinə daxil olmasını izləyiblər. Gəmilər körfəzə daxil olan zaman İran gəmiləri amerikalılara əks istiqamətdə raket buraxıb, sonra isə havaya pilotsuz uçan aparatlarını qaldırıblar.
ABŞ Dövlət katibi Mayk Pompeo İran xalqını çillə bayramı münasibətiylə təbrik edib.
Kult.az xəbər verir ki, Tvitter səhifəsində yerləşdirdiyi təbrik mesajında Pompeo İran xalqına rifah və azadlıq arzulayıb. Lakin tvitinin sonunda Pompeo Azərbaycan şairi Nizami Gəncəvini fars şairi olaraq təqdim edərək ondan sitat gətirib:
“Fars şairi Nizami deyirdi ki, Hətta ümidsizlikdə də ümid var. Ən qaranlıq gecənin də sonu işıqdır. Yalda bayramınız mübarək!”.
ABŞ-da Meksika ilə sərhəddə divar tikintisinin maliyyələşdirilməsi barədə razılıq əldə olunmadığı üçün federal hökumətin büdcəsi qəbul edilməyib.
Axar.az xəbər verir ki, bu barədə “Röyter” agentliyi məlumat yayıb.
Qərarın qəbul edilməməsinə görə, hökumətin fəaliyyəti qismən dayandırılıb, müəssisə və nazirliklərin maliyyələşməsini təmin edən bəzi büdcə qanunlarının etibarlılığı Bakı vaxtıyla 09:00-da başa çatıb. Bunun sayəsində Dövlət Departamenti, Daxili Təhlükəsizlik Nazirliyi, Ədliyə Nazirliyi, Kənd Təsərüffatı Nazirliyi, Nəqliyyat Nazirliyi və digər bəzi qurumlar ixtisar edilmiş maliyyə rejiminə keçiblər, onların əməkdaşlarının böyük qismi məcburi məzuniyyətə göndərilib.
Senatda bu gün də büdcə ilə bağlı danışıqların davam etdirilməsi nəzərdə tutulub.
Qeyd edək ki, dünən ABŞ Prezidenti Donald Tramp sərhəd təhlükəsizliyi ilə bağlı büdcənin təsdiqlənməyəcəyi halda hökuməti bağlayacağını bildirmişdi.